Ushbu dastur 310 000 Muhandislik ishi

 
 
 
 
 
 

---

6-Amaliy mashg’ulot 
Teshik yo'nib kengaytiruvchi tokar uchun 
ishchi joyidagi yo’riqnomalar bo’yicha talablar 
Reja: 
1. Xavfsizlikning umumiy talablari. 
2.Ish boshlashdan oldingi xavfsizlik talablari 
3.Ish vaqtidagi xavfsizlik talablari 
4.Avariya vaziyatlardagi xavfsizlik talablari 
5.Ish tugagandan keying xavfsizlik talablari 
 
XAVFSIZLIKNING UMUMIY TALABLARI 
1. Mazkur yo'riqnoma universal yo'nib kengaytirish stanoklarida detallarga ishlov 
beruvchi (parmalash, zenkovkalash, yo'nib kengaytirish, frezalash, rezba ochish, 
teshiklarni yo'nish) teshik yo'nib kengaytiruvchi tokar uchun mo'ljallangan. 
2. Teshik yo'nib kengaytiruvchi tokar bo'lib ishlashga ruxsat beriladigan shaxslar: 
2.1. 18 yoshdan kichik bo'lmaganlar; 
2.2. tibbiy ko'rikdan o'tganlar; 
2.3. kasbiy ko'nikmaga ega bo'lganlar, "Mehnat muhofazasi bo'yicha o'qishni tashkil 
qilish va bilimlarni sinash to'g'risida"gi Nizomga muvofiq ishlarning xavfsiz usul va 
yo'llari bo'yicha o'qiganlar, bilimlari sinalgan va belgilangan shakldagi guvohnoma 
olganlar; 
2.4. Nizomga muvofiq kirish instruktajini, shuningdek bevosita ish joyida xavfsizlik 
texnikasi bo'yicha instruktajni o'tganlar; 
2.5. yuk ko'tarish mexanizmlari bilan ishlash lozim bo'lganda "Mehnat muhofazasi 
bo'yicha o'qishni tashkil qilish va bilimlarni sinash to'g'risida"gi Nizomga muvofiq 
qo'shimcha o'qishni va xavfsizlik texnikasi bo'yicha instruktajni o'tish. 
3. Teshik yo'nib kengaytiruvchi tokar quyidagilarga majbur: 
3.1. ichki mehnat tartibi qoidalarini bajarish; 
3.2. belgilanmagan joylarda chekmaslik va korxona hududida spirtli ichimliklarni 
iste'mol qilmaslik; 
3.3. ushbu yo'riqnomaning talablarini bajarish; 
3.4. ish vaqtida yonida ishni bajarishning xavfsiz usul va yo'llari bo'yicha bilimlari
sinalganligi haqidagi guvohnoma bo'lishi; 
3.5. berilgan maxsus kiyimdan, maxsus poyafzaldan, saqlagich ko'zoynakdan, hamda
saqlovchi moslamalar foydalanish; 
3.6. yong'in xavfsizligi talablarini bajarish; 
3.7. baxtsiz hodisalar ro'y berganda jabrlanganlarga birinchi yordamni ko'rsata olish, 
voqea sodir bo'lgan joyda imkoni boricha vaziyatni saqlab turish va bu haqida 
bevosita rahbarga xabar berish; 
3.8. ishni bajarganda shaxsiy gigiena qoidalariga amal qilish; 
3.9. stanokda aniqlangan nosozliklari va xavfsizlik talablarining buzilishining boshqa 
holatlari haqida ustasiga xabar qilish va tegishli choralar ko'rilganga qadar ishga 
kirishmaslik; 
3.10. ishlayotgan stanokni ekspluatasiya qilish (foydalanish) bo'yicha zavod 
yo'riqnomasini bilish va bajarish. 

---

4. Teshik yo'nib kengaytiruvchi tokarning ish joyidagi xavfli va zararli ishlab 
chiqarish omillari: 
4.1. elektr toki bilan shikastlanish xavfi; 
4.2. detallarga ishlov berganda metall qirindilar bilan jarohatlanish xavfi. 
5. Ushbu yo'riqnoma talablarini bajarmaslik, ishlab chiqarish intizomini buzish 
hisoblanadi, bunda aybdorlar IMTQ ga muvofiq belgilangan tartibda javobgarlikka 
tortiladi.