1-мавзу. “Олдиндан зўриқтирилган темир-бетон конструкциялар технологияси” фанига кириш

5.10- расм. Плиталарга иссиқ-нам ишлов бериш схемаси.
1 – биринчи қават қолипи; 2 – иккинчи қават қолипи; 3 – қолип тагига буғ бериш 
патрубоги; 4 – ён қобиқларга буғ бериш патрубоги; 5 – ковакларга буғ бериш 
патрубоги; 6 – юқори металл шит. Буғ юбориладиган бўшлиқлар штрихланган. 
Плиталарга иссиқ буғ ёрдамида ишлов бериш қуйидаги циклларни ўз
ичига олади:
- янги қолипланган маҳсулотни аввал ушлаб туриш; 
- бетон маҳсулотини қабул қилинган энг юқори ҳароратгача қиздириш; 
- қабул қилинган энг юқори ҳароратда ушлаб туриш (изотермик давр); 
- ташқи муҳит ва маҳсулот ҳароратини пасайтириш. 

---

Изотермик иссиқлик ишлов беришнинг даври цемент тури, сув-
цемент нисбати, буғ-ҳаво муҳитининг энг юқори ҳарорати, иссиқликнинг
бир хилда тарқалиши ва бетоннинг талаб этиладиган мустаҳкамлигига
боғлиқ. Иссиқ буғ ишлови 80-850С ҳароратда бетон лойиҳавий
мустаҳкамлигининг 80% га эткунга қадар амалга оширилади. 
Бетон мустаҳкамлиги маркасининг 80% этганда қолипнинг ён
деворлари очилади ва таранглаштирилган арматураларни бўшатилади. Бу
амал гидравлик домкратлар ёки навбати билан газли кескичлар ёрдамида кесиб 
амалга оширилади.
Арматураларни домкратлар ёрдамида бўшатилганда бу амал икки 
босқичда бажарилади. Аввал барча стерженлардаги кучланиш навбати
билан 5% га пасайтирилади сўнгра эса қайтадан 0 га туширилади. 
Кесиш вақтида кесиладиган жой қизил тусга киргунига қадар
қиздирилади. Кесиш плита кесим юзаси ўқига симметрик равишда амалга
оширилади ва хар бир стержен бир вақтнинг ўзида иккала томонидан бир
вақтда кесилади. Аввал чеккадаги стерженлар, сўнгра ички стерженлар 
кесилади.
Плиталарда дарзларнинг ҳосил бўлиши ва анкерлашнинг
ёмонлашувини олдини олиш мақсадида бетон иссиқ холдалигида арматура
стерженларини кесиш тавсия этилади. Арматура стерженлари кесилгандан
сўнг плиталар иссиқ холда қолипдан олинади, арматураларнинг чиқиб
турган қисмлари кесилади ва плиталарнинг шу қисмлари цемент
қоришмаси билан сувалади. Тайёр плиталар тайёр маҳсулот омборига ёки 
истемолчига жўнатилади.