Тошкент кимё-технология институти “менежмент ва касб таълими” факултети

Тариқ ёрмаси
.
Тариқ дони сарғиш, қизил ёки қўл ранг пуст билан қопланган. 
Доннинг ядроси унли ёки шишасимон тузилишда бўлади. Тариқ дони мўртагида 
4— 6% тез ачийдиган ёғ бор, шу туфайли дондан ёрма тайёрлашда мўртаги олиб 
ташланади.
Тариқдан силлиқланган сўк олинади.
Силлиқланган сўқ гул пусти, мўртак ва қисман мева ҳамда уруғлик 
қобиғидан холи бўлган тариқ ядросидир. У сифатига қараб уч навга бўлинади: 
олий, 1-ва 2-навлар. Олий нав сўкда камида 99,2%, 1-навда 98,7% ва 2-навда 98% 
яхши сифатли ядро бўлади.
Силлиқланган сўк ўртача тўйимли, қўлинария фазилати баланд ҳисобланади, 
сақланганда тез ачийди.
Узоқ сақлашга мўлжалланган барча навдаги сўкнинг намлиги кўпи билан 
14%, бир ойгача сақлашга мўлжалланган сўкнинг намлиги эса 15% бўлиши лозим.
Арпа ёрмаси
.
Арпанинг кузгиси ва баҳориси бўлади. Арпа дони одатда, 
пўстли, баъзан пўстсиз ҳам бўлади. Хўжаликда ишлатилишига қараб арпа 
озуқаембоп, пивобоп ва ёрмабоп турларга бўлинади. Ёрмабоп арпа дони йириқ 
юпқа гул пўстли бўлиб, унда оқсил модда кўп бўлади.
Юқори сифатли ёрма икки қаторли арпадан олинади. У сариқ рангда ва 
шишасимон тузилишда бўлади.
Арпадан икки турли ёрма ишлаб чиқарилади: арпа ёрмаси ҳамда перловка 
ёрмаси.
Арпа ёрмаси
арпа донининг пўсти ва қисман мева қобигидан тозалаб, турли 
шаклда тўйилганидир. У силлиқланмайди. Ерма донасининг йирик-майдалигига 
қараб уч номерга бўлинади. Арпа ёрмасида камида 99,0% яхши сифатли ядро 
бўлиши лозим. Арпа ёрмасининг намлиги кўпи билан 15% бўлади.
Перловка ёрмаси
пўсти, мева ва қисман уруғлик қобиғи олиб ташланган, 
яхши силлиқланган, юмалоқ шаклдаги, сирти силлиқ, бутун ёки янчилган арпа 
ядросидир. Донасининг йирик-майдалигига қараб перловка ёрмаси беш номерга 
бўлинади (энг йириги №1, энг майдаси №5). Перловка ёрмаси қанча майда бўлса, 
унинг сифати шунча яхши бўлади. Перловка ёрмасининг намлиги 15% дан 
ошмаслиги лозим. Унда камида 99,6% яхши сифатли ядро бўлади.