Raqamlashgan dunyo nutqiy mavzuning maqsadi

Oʻqib tushunish. Sintaksis. 
Internet va ijtimoiy tarmoqlarga oid qisqartma soʻzlar va ularning izohi bilan 
tanishing. Ular ishtirokida gaplar tuzib yozing.
 
Oʻquvchilar berilgan qisqartmalar va ularning izohi bilan tanishib, ular 
ishtirokida gaplar tuzib yozishlari lozim. Bu topshiriqdan asosiy maqsad 
oʻquvchilarga kundalik hayotida duch keladigan qisqartma soʻzlarning maʼnosi 

---

haqida maʼlumot berish hamda ularning maʼno mazmuniga mos kontekstda qoʻllash 
koʻnikmasini shakllantirishdan iborat. 
Qoida. Orfografiya. 
Oʻquvchilarga qisqartma soʻzlar haqida nazariy maʼlumot beriladi. 
Muhokama. 
1. Qisqartma soʻzlar nima maqsadda yaratiladi? 
 
Bu savolga oʻquvchilar oʻzlarining erkin fikrlarini bildirishlari mumkin. 
Ularning javobi tinglangach, qisqartma soʻzlarning ijtimoiy ahamiyati haqida 
maʼlumot berish maqsadga muvofiq.
 
Masalan, hamma uchun tushunarli boʻlishi uchun, talaffuzda qiyinchilik 
tugʻdirmasligi, yozma nutqda takrorlarni oldini olish maqsadida...kabi. 
2.
 
Ulardan qanday oʻrinlarda foydalanish mumkin?
 
Bunda oʻquvchilardan hayotiy kuzatishlari hamda yuqorida qisqartma soʻzlar 
haqida egallagan bilimlari asosida mantiqan javob berishlari talab etiladi. 
3.
 
Sizning shaxsiy qisqartmalaringiz bormi? Ulardan foydalanish oʻrinlimi? 
 
Bu oʻquvchining shaxsiy kuzatishlari asosida munosabat bildirishiga qaratilgan 
savol boʻlib, oʻquvchilar kundalik muloqotlarida foydalanadigan qisqartmalari 
haqida aytib, ularning ahamiyati haqida munosabat bildirishi lozim. 
Bunda asosiy maqsad qisqartmalar hamma uchun tanish, hamma yerda bir 
xilda foydalanilishi haqida maʼlumot berishdan iborat.