Raqamlashgan dunyo nutqiy mavzuning maqsadi

Orfografiya. Sintaksis. 
Birinchi namunadagi yozishmalarda yoʻl qoʻyilgan xatolarni tuzatib 
koʻchiring. 
 
Bu yuqoridagi topshiriqning davomi boʻlib, oʻquvchilar birinchi 
yozishmadagi xatolarini aniqlab, daftarlariga toʻgʻrilab koʻchirishlari lozim. Bunda 
yozishmadagi imloviy, uslubiy va punktuatsiyaga eʼtibor qaratishlari kerakligi 
aytiladi. 
Yozma nutq. Matn yaratish. 
Berilgan SMS xabar namunalari bilan tanishing. Ularni qoʻllab,
partadoshingiz bilan SMS yozishmasi namunasini yozing. 
Mazkur topshiriqda SMS xabarnomalarida qoʻllanuvchi birliklar berilgan 
boʻlib, oʻquvchilar ushbu birliklarni qoʻllab, partadoshlari bilan birgalikda 
xabarnoma yozishlari lozim. 
Bunda asosiy eʼtibor oʻquvchilar oʻrtasida kommunikativ aloqa oʻrnatish, til 
birliklaridan oʻrinli foydalanish, oʻzaro hamkorlikda dialog(xabarnoma) yoza olish 
koʻnikmasini shakllantirishga qaratiladi.

Leksikologiya. 
Berilgan hisbelgilarga mos boʻlgan kayfiyat, his-tuygʻu, feʼl-atvorga oid 
soʻzlarni yozing. Siz tanlagan soʻz boshqalarnikidan farq qilishi mumkin. 
Ushbu topshiriqda 10 ta hisbelgi berilgan boʻlib, oʻquvchilar ushbu hisbelgilar 
nimani ifodalashini yozishlari lozim. Bunda ular rasmdan olgan tushunchalariga 
hamda kundalik hayotdagi yozishmalarida hisbelgini nimani ifodalash uchun 
qoʻllaganliklaridan kelib chiqib yozishlari mumkin.
Bunda hammaning tanlovi har xil boʻlishi mumkin. Asosiy eʼtibor hisbelgini 
tushunib, ifodalashga qaratiladi. 
Sintaksis. 
Yuqoridagi berilgan 1-, 5-, 7-, 10-hisbelgilarni qoʻllash mumkin boʻlgan gaplar 
tuzib, yozing.
Bu topshiriqda oʻquvchilar yuqoridagi hisbelgilar orasidan 1-, 5-, 7-, 10-
hisbelgilarni ajratib olib, ularni qoʻllash mumkin boʻlgan holatlarga mos gap 
tuzishlari lozim. Bu jarayonda xabarnomalarda uchraydigan muloqotga oid gaplar, 
savol-javob mazmunli dialoglardan foydalanishlari mumkin. Bunda asosiy eʼtibor 
hisbelgi anglatgan tushunchaga mos kontekst tuza olishlariga qaratiladi.