# 4, 2020 pedagogik mahorat*педагогическое мастерство*pedagogical skill

Интерфаоллик тамойили.
Бу тамойил масофавий ўқитиш дидактикасининг етакчи талабини 
очиб беради. Бу талабга кўра таълим олувчи курсда ўқиш даврининг бутун давомида ўзининг ўқув 
фаолияти тьюторнинг тегишли фаолияти билан биргаликда ўтаётганлигини, агар тьютор билан 
бевосита ўзаро ҳамкорлик кўзланмаса, унда сезиларли тескари алоқа билан, таълим олувчининг 
ҳаракатларига дастурий воситаларнинг жавоби билан биргаликда ўтаётганлигини реал ҳис қилиши 
лозим. 
Тажрибалар шуни кўрсатадики, масофавий ўқитиш жараёнида таълим олувчилар орасида ўзаро 
маълумотлар алмашиш уларнинг тьютор билан боғланишларидан ҳам кўра кўпроқ амалга оширилар 
экан. Шунинг учун ҳам бу тамойилга мувофиқ масофавий ўқитишни амалга ошириш, масалан, 
видеоконференция ўтказишда ўқув жараёнининг барча иштирокчиларига электрон манзилларни 
маълум қилиш керак бўлади.
Идентификациялаш тамойили.
Бу тамойил таълим олишнинг мустақиллигини назорат қилиб 
бориш зарурлигидан иборат. Таълим олувчиларни идентификациялаш хавфсизлик бўйича умумий 
тадбирларнинг бир қисми ҳисобланади. Ҳар турли кўринишдаги топшириқларни бажаришдаги 
мустақилликни назорат қилиш юзма-юз контактдан ташқари турли хил техник алоқа воситалари 
ёрдамида амалга оширилиши мумкин. 
https://buxdu.uz

---

# 4, 2020 PEDAGOGIK MAHORAT*ПЕДАГОГИЧЕСКОЕ МАСТЕРСТВО*PEDAGOGICAL SKILL
35 
Шундай қилиб, айни вақтда масофавий ўқитишнинг бир қатор асосий тамойиллари шаклланган 
ва унинг хусусиятлари аниқланган бўлиб, терминологик базаси ва тушунчалари ҳам ишлаб чиқилган 
ҳамда ҳозирги кунда масофавий ўқитиш тизимини ташкил этиш ва жорий этиш учун етарлича илмий-
назарий база мавжуд ҳисобланади. 
Шунингдек, масофавий ўқитишни амалга оширишда таълим олувчиларнинг билим ва 
кўникмаларини ривожлантириш мақсадида замонавий ёндашувлар муҳим аҳамият касб этади [3, 4, 
7]. Масофавий ўқитишда замонавий ёндашувлар сифатида синергетик, фаолиятли-компетентли, 
амалиётга йўналтирилган, эвристик, кластерли, акмеологик, футуралли каби илмий-методик 
ёндашувларга асосланиш мумкин ва бу ўз навбатида ёндашувларнинг мазмун-моҳиятини кўриб 
чиқиш мақсадга мувофиқ.