# 4, 2020 pedagogik mahorat*педагогическое мастерство*pedagogical skill

Кўргазмалилик тамойили 
масофавий ўқитишда энг муҳим ҳисобланади, бу ерда у 
визуализация тамойили ҳолатига ўтади. Масофавий ўқитишда кўргазмалилик (визуализация)ни 
амалга ошириш ўрганувчига тақдим этилган ахборотни яхшироқ тушуниш ва эслаб қолишга ёрдам 
беради ҳамда миянинг мураккаб нарсани яхлит сифатида идрок этиш бўйича имкониятларини 
кенгайтиришга имкон беради. 
Биргаликдаги фаолият тамойили
таълим жараёнини режалаштириш, амалга ошириш, 
баҳолаш ва коррекциялаш бўйича таълим олувчининг тьютор билан биргаликдаги ишини назарда 
тутади. 
Фасилитация тамойили
инглизча “facilitate” сўзидан олинган бўлиб ёрдамлашмоқ, 
енгиллаштирмоқ, имкон туғдирмоқ, шароит яратмоқ маъноларини билдиради. Бу тамойилни 
мутахассислар томонидан педагогик категория – таълим олувчилар томонидан ўз индивидуал 
моҳиятларини, мустақилликларини англашлари, ўзларини ўз ҳаётий вазиятларининг муаллифи ва 
ижодкори сифатида идрок этишларига шароитлар яратиш учун меъёрий қоида сифатида қаралади. 
Фасилитация тамойилининг бош ғояси таълим олувчининг ижодий имкониятларига таяниш, унинг 
ўзини-ўзи долзарблаштириш ва ўзини намоён қилишга интилишини қўллаб-қувватлашдан иборат. 
Рефлективлик тамойили
таълим олувчилар томонидан таълим жараёнининг барча 
параметрларини, фаолият усулларини, энг асосийси эса – ўзларидаги ўзгаришларни англаб 
етишларини назарда тутади. 
Таълимни индивидуаллаштириш ва табақалаштириш тамойили
таълим йўналишини 
таълим олувчининг таълимий эҳтиёжлари ва мақсадлари, тажрибаси, тайёргарлик даражаси, ўқитиш 
https://buxdu.uz

---

# 4, 2020 PEDAGOGIK MAHORAT*ПЕДАГОГИЧЕСКОЕ МАСТЕРСТВО*PEDAGOGICAL SKILL
33 
муддатлари, жойи, вақти ҳамда турли дастурлар бўйича қобилиятлар ва имкониятларни ҳисобга 
олган ҳолда танланиши ва тузилишини билдиради.