Házirgi qaraqalpaq ádebiyatı hám ádebiy process 1-tema: Kirisiw, házirgi qaraqalpaq ádebiyatı pániniń maqseti hám wazıypaları

J.Aymurzaev dramalıq shıǵarmaları 
J.Aymurzaevtıń dramaturgiyalıq xızmeti de otızınshı jıllardıń baslarınan baslandı. Ol 
óziniń 

Hákisliler

komidiyasınıń alǵı sózinde 

Men biraz hákislilerdiń hákisliklerin usı 
pesaǵa ayırıqsha ákelip qosıp terip jazdım

degen edi. Komediyada mekeme baslıǵı Tawjan 
hám onıń átirapında kólegeylep júriwshi, jeńil minez, názelim sekretarı, semya isine qılap 
etiwshi Qánigúl, haq kewilli zayıbı Ziybagúl, Tawjannıń jónsizligin sırttan áshkaralap, 
kózinshe jaltaqlıq etip júriwshi qarawıl jigit obrazları bar. 
J.Aymurzaevtıń 

Hákisliler

komediyası bir akt, úsh kórinisten ibarat. Komediyalıq 
kúlkili waqıya Tawjan obrazına baylanıslı kelip shıǵadı. Onıń sekretarı Qánigúl menen 
bolǵan háreketleri, jumısqa nemquraydılıǵı kóriwshilerdiń jek kóriwshiligin oyatadı. 
J.Aymurzaev 30 jıllardıń ekinshi yarımında «Óz tayaǵı ózine», «Totıxannıń 
toyında», «Dushpanlar», «Toy», «Urlıqqa xorlıq» komediyaların dóretti. Bul dáwirde 
muzıkalı dramalar jazıldı, onıń dáslepki dóretiwshileri S.Májitov, J.Aymurzaev, 
M.Dáribaev, N.Dáwqaraev, Á.Shamuratovlar boldı. J.Aymurzaev penen Á.Shamuratovtıń 

Aral qızı

pesası qaraqalpaq ádebiyatında balıqshılar ómirinen jazılǵan muzıkalı drama edi. 
J.Aymurzaev urıs temasına arnap 

Perzent

, 

Kolya

, 

May antı

, 

Leytenant 
Elmuratov

pesaların jazdı. 
J.Aymurzaevtıń 

Aygúl-Abat

draması qaraqalpaq dramaturgiyasınıń úlken 
utıslarınıń biri boldı. Pesanıń janrlıq ózinsheligi, qosıq penen jazılıwı, pesa personajları 
obrazlarınıń jaratılıwı, tematikası hám ideyası boyınsha da qaraqalpaq ádebiyatı tariyxındaǵı 
eń tabıslı dóretilgen shıǵarma bolıp qaldı.
Dramaturg 

Baxıtlılar baǵında

, 

Baǵdaǵı qızlar

, 

Ámiwdárya

muzıkalı 
dramaların, 

Qız hám Kóknarshı

, 

Meniń appaǵım

komediyaların dóretti.

---

56 
Al tariyxıy temada dóretken 

Berdaq

peası qaraqalpaq ádebiyatınıń klassigi Berdaq 
Ǵarǵabay ulına arnalıp jazıldı.
Ulıwma alǵanda, J.Aymurzaev qaraqalpaq ádebiyatında óz ornına iye universal 
talantlı jazıwshılarımızdan biri bolıp tabıladı. Ol qaraqalpaq ádebiyatında 60 jıldan aslamıraq 
waqıt dóretiwshilik miynet etip ádebiyatımızdı kórkeytiwge belsene qatnastı.