O‘zmu xabarlari Вестник нууз acta nuuz

Мавзуга оид адабиѐтларнинг талили. 
Ўзбек 
луғатшунослиги тарихида муайян лингвистик атамалар 
луғатлари яратилган.Ушбу луғатлар сўзлигининг озлиги, 
изоҳларнинг эскирганлиги, кенг истеъмолчилар доираси 
учун етарли эмаслиги туфайли бугунги талабларга жавоб 
бермайди. Ўзбек тили лингвистик атамаларининг 
энциклопедик электрон луғати мавжуд эмас.
Электрон луғатлар бир неча жиҳати билан 
замонавий луғатлардан фарқ қилади: элементар – жой 
эгалламаслиги, транспортировканинг қулайлиги (виртуал-
лиги), қўллашда қулайлиги (йиртилмайди, эскирмайди, 
маълумот топиш тезкор...) кабилардан ташқари, техник 
характеристикасига кўра ҳам устунлик қилади: электрон 
луғатларда нафақат матн ва график иллюстрациялар, 
балки аудио, видео, анимация...кабилар ҳам иштирок эта 
олади. Бу эса изоҳлар мазмунини бойитади, объект 
тавсифини янада тушунарли қилади.
Тадқиқот методологияси
. Ўзбек лингвистик 
атамашунослиги кейинги юз йилда мунтазам эволюцион 
ўзгаришда ва бир неча революцион ўзгаришларни 
бошидан кечирди. Замонавий тилшуносликнинг дастлаб-
ки даврида лингвистик атамалар асосан рус тилидан 
калькалаш орқали ѐки бевосита ўзлаштирилган. Бу 
атамаларнинг барчаси ҳам ўзбек тили табиатига мос 
келган деб бўлмайди: сўз органлари, апостроф, инфинтив, 
турловчи 
суффикс, 
ясовчи 
суффикс, 
составли 
сонлар...Кейинчалик бу ва бошқа атамалар қатор 
таҳрирларга учради.[2] Бу реформаларнинг ҳам барчаси 
муваффақиятли кечган эмас. Атамалар уясининг бир 
аъзоси таҳрир қилиниб, қолганлари маълум бир 
сабабларга кўра таҳрир этилмай қолган ўринлар бор. М., 
ўзак атамаси жуда фаол қўлланган ҳолда, асос атамасига 
алмаштирилди. Натижада у билан ассоциатив қатор ҳосил 
қилувчи ўзакдош, бир ўзакли ...каби атамалар ҳам 
истеъмолдан чиқиб кетди. Ўзак атамаси сўз сифатида асос