Toshkent davlat pedagogika universiteti ilmiy axborotlari ilmiy-nazariy jurnali

1.
 
Tashkilotchilik qobiliyati. Rahbar kadr bozor iqtisodiyoti davrida o‘ta uddaburon 
ishbilarmon muammosi yoki korxonaning idora yoki ilmiy markazning oldida turgan vazifalarni 
maqsadga muvofiq sobitqadamlilik bilan bajarishni uyushtira olish imkoniyatiga ega bo‘lishi 
kerak. Tashkilotchilik tizimiga taxminan quyidagilar kiradi: 

Rahbarlik qilayotgan ishlab chiqarishda moliyaviy va iqtisodiy masalalarni to‘g‘ri, 
oqilona tashkil qilishlik, vaqtdan biroz ilgarilab ketish hissiyoti va tez payqash imkoniyati bilan 
qurollana olishlik;

Favquloddagi ishlab chiqarish muammosini tezkorlik bilan hal qila bilishlik, o‘z vaqtida 
individual yoki jamoaviy qaror qabul qilishlik, bu borada nuqsonlarga yo‘l qo‘ymaslik;

Xodimlar, ishlab chiqarish a’zolari, o‘rinbosarlar, yordamchilar hissiyotini va mehnat 
psixologik munosabati xususiyatini baholay olishlik hamda keskin o‘zgarishlar yasash uchun 
muayyan chora va tadbirlar qo‘llashlik;

Tobe kishilar jinsi, yoshi, aqliy va jismoniy imkoniyatini hisobga olib, faoliyatni tashkil 
qilishga odatlanganlik;

Ijrochilar qobiliyati, iste’dodi, mehnat staji, intilishi, qiziqishi, irodaviy xususiyati, 
jonbozligi singari fazilatlarga binoan ish taqsimlashni yo‘lga qo‘yishlik; 

Mahsulot sifati va samaradorligi yuzasidan uzluksiz ravishda g‘amxo‘rlik qilishlik, 
rentabel xo‘jalikka aylantirish uchun doimo qayg‘urishlik;

Korxona istiqboli va xodimlar ijtimoiy himoya uchun hamisha g‘amxo‘rlik kabilar.
2.
 
Iymon-e’tiqodda faol – hayotiy pozitsiyaga yo‘nalganlik qobiliyati. Rahbar iymon-
e’tiqodli, muayyan hayotiy pozitsiyali, sof, rostgo‘y, samimiy, jonkuyar, insonparvar, vatanparvar 
fazilatli inson bo‘lmog‘i – xodimlar uchun ibrat-namuna vazifasini bajarmog‘i lozim. Toki so‘z 
bilan ish birligi ishlab chiqarish amaliyotida bevosita o‘z ifodasini topsin, boshqalar uning xatti-
harakati va kishilar bilan munosabatiga taqlid qilishga odatlansinlar.