O`zbekistan respublikasi awil ha`m suw xojalig`i ministrligi tashkent ma`mleketlik agrar universiteti no`kis filiali «ekonomika ha`m awil xojalig`in basqariw»

JUWMAQLAW
59
PAYDALANILG`AN A`DEBIYaTLAR DIZIMI
62

---

3
KIRISIW
Temanin` aktuallig`i.
O`zbekistanda a`melge asirilg`an ekonomikaliq reformalar
keyingi jillarda awil xojalig`inda turaqli o`siwin ta`miyinledi. Prezidentimiz o`z
so`zlerinde «2014 jilda O`zbekistanda diyerli barliq awil xojalig`i eginleri - g`a`lle, paxta,
baw-baqsha, paliz eginleri ha`m ju`zimnen joqari zu`ra`a`t alindi. Ma`mleketimiz
diyqanlari mol zu`ra`a`t jetistirdi- 3 million 400 min` tonnadan artiq paxta, 8 million 50
min` tonna g`a`lle ha`m tag`i basqada awil xojaliq eginlerinen o`nimler jiyip-terip
alindi»-dep awil xojalig`inda qiling`an islerdin` na`tiyjeliligin tikkeley pidaka`rliq
miynet, barliq resurs ha`m imka`niyatlardi paydalanilg`anlig`inin` na`tiyjesi
ekenligin aytip o`tti. Qilinip atirg`an islerdin` na`tiyjesi awil xojalig`in
modernizatsiya qiliwdin` na`tiyjesi menen baylanisli. Awil xojalig`in modernizatsiya
qiliwdin` tiykarg`i tayanish deregi bul lizing qatnasiqlari bolip tabiladi. Bazar
ekonomikasi sharayatinda lizing sistemasi bekkem orin iyeleydi. Lizing sistemasi
ja`hannin` ko`plep ma`mleketlerinde ken` tarqalg`an ha`m ekonomikanin` jan`adan-
jan`a tarmaqlarin o`zine kamrap almaqta.
Za`ru`rli awil xojalig`i tovar o`ndiriwshi xojaliq ju`ritiwshi sub`ekt bolg`an fermer
xojaliqlarinin` o`ndiris ko`lemi ha`m finansliq awhali zamanago`y awil xojalig`i
texnikalarin satip aliwg`a imka`n bermeydi. Bunday sharayatda lizing sistemasinan
paydalaniw za`ru`rligi ja`nede aktualliq ka`sip etedi. Ja`han a`meliyati ta`jiriybesi
ko`rsetiwinshe, lizing ja`rdeminde bir waqittin` o`zinde u`lken qarji sariplamastan
turip tiykarg`i o`ndiris qurallarin tezda jan`alaw, o`ndiriske zamanago`y texnologiyalardi
engiziw ha`m islep shig`arilip atirg`an o`nim ko`lemin ko`beyittiriw ha`m sapasin
asiriw mu`mkin.
Ha`zirgi waqitta respublikamizda 40 tan aslam qa`nigelesken lizing
kompaniyalari, 20 dan aslam kommertsiyaliq bankleri ha`m 15 ten aslam mikro finansliq
sho`lkemler lizing xizmeti menen shug`illanbaqta. Respublika boyinsha 25 min`g`a jaqin
xojaliq ju`ritiwshi sub`ektlar lizing sub`ektleri sipatinda lizing protsessinde
qatnaspaqta. Bul lizing sistemasinin` ma`mleketimiz ekonomikaliq turmisinda ken`
qulash jayip baratirg`anlig`inan da`lalat bermekte. A`yne payitta ekonomikanin` tu`rli

---

4
tarmaqlarinda lizing qatnasiqlari rawajlaniwi tu`rlishe da`rejede ha`m intensivlikte dawam
etpekte.