O`zbekistan respublikasi awil ha`m suw xojalig`i ministrligi tashkent ma`mleketlik agrar universiteti no`kis filiali «ekonomika ha`m awil xojalig`in basqariw»

Pitkeriw qa`nigelik jumisinin` maqseti ha`m waziypalari.
Pitkeriw qa`nigelik
jumisinin` tiykarg`i maqseti lizing kompaniyalarinda lizing qatnasiqlarin esapqa aliwdi
sho`lkemlestiriwdi teoriyaliq jag`inan ken` jaritiw, a`meliy jaginan ha`zirgi jag`dayi ha`m
lizing qatnasiqlarinin` na`tiyjeliligin analiz qilip u`yreniwden ha`mde olarda
buxgalteriya esabin jaqsilaw boyinsha metodikaliq ha`m a`meliy pikirler beriwden
ibarat boladi.
Usi maqsetlerden kelip shiqqan halda pitkeriw qa`nigelik jumisinin`
waziypalari
ju`zege keledi. Bul waziypalar to`mendegiler:
- lizing qatnasiqlarinin` esabin sho`lkemlestiriw ta`rtibin ha`m o`zine ta`n
o`zgesheliklerin ken`irek u`yreniw;
- lizingtin` gruppalaniwi ha`m lizing operatsiyalarin a`melge asiriwdi jaritiw;
- lizing aylanislarinin` na`tiyjeliligin analiz qiliw ha`m olardan na`tiyjeli
paydalaniw boyinsha pikirler beriw;
- lizing aylanislari esabin jaqsilaw boyinsha usinis ha`m pikirler islep shig`iw.
Joqaridag`i waziypalardan kelip shiqqan halda «Wzqishloqxujalikmashlizing»
aktsionerlik lizing kompaniyasi Qarakalpaqstan Respublikasi filialinda lizing
aylanislarinin` buxgalteriya esabin sho`lkemlestiriwdi jaqsilawdi teren` u`yreniwden
ibarat.
Izertlew ob`ekti ha`m predmeti.
Usi pitkeriw qa`nigelik jumisinin` ob`ekti bolip,
«Wzqishloqxujalikmashlizing» aktsionerlik lizing kompaniyasi Qarakalpaqstan
Respublikasi filialinin` esap ha`m esabat mag`liwmatlari esaplanadi.
«Wzqishloqxujalikmashlizing» aktsionerlik lizing kompaniyasi Qarakalpaqstan
Respublikasi filialinda lizing aylanislari esabin sho`lkemlestiriw ha`m olardan
paydalaniw na`tiyjeliligin asiriw jollarin aniqlaw ha`mde milliy ha`m xaliq-araliq
ta`jiriybeleri tiykarinda bazar ekonomikasina sa`ykeslestiriw ta`rtibi pitkeriw qa`nigelik
jumisinin`
predmeti
bolip esaplanadi.

---

5