O`zbekistan respublikasi awil ha`m suw xojalig`i ministrligi tashkent ma`mleketlik agrar universiteti no`kis filiali «ekonomika ha`m awil xojalig`in basqariw»

Lizing beriwshi -
bul yuridikaliq ta`rep bolip, mu`lkti islep shig`ariwshi
(satiwshi)dan qabil qilip aliwshi ha`m lizing sha`rtnamasi tiykarinda lizing aliwshig`a
beriwshi tu`siniledi. Nizam boyinsha lizing beriwshi yuridikaliq ta`rep statusin almag`an
isbilermenlik sipatinda esapqa aling`an fizikaliq ta`rep yamasa puqara boliwi
mu`mkin.
Lizing xizmetleri bazarinda lizing beriwshiler funktsiyasin qag`iydag`a ko`re
arnawli kommertsiyaliq sho`lkemleri, yag`niy aktsionerlik ja`miyeti ko`rinisindegi
lizing kompaniyalari orinlaydi. Lizing beriwshiler bolip bankler, basqa finans-kredit
mekemeleri, ha`m a`sirese, tikkeley lizing mu`lkin o`ndiriwshiler, yag`niy mashina
qurilis zavodlari, qurilis firmalari ha`m basqalar esaplanadi. Lizing xizmetin a`melge
asiriw ushin yuridikaliq xuqiq - litsenziya beriledi.
Lizing aliwshi
- bul yuridikaliq ta`rep yamasa isbilermen sipatinda esapqa
aling`an ha`mde yuridikaliq statusin almag`an puqara esaplanadi. Ol, o`z na`wbetinde,
lizing sha`rtnamasi boyinsha lizing mu`lkinen waqtinshaliq iyelik qiliw ha`m
paydalaniwg`a qabil qiliwi (yamasa aliwi) tu`siniledi.
O`ndiriwshi (satiwshi) - lizing sha`rtnamasi predmeti bolg`an lizing mu`lkin aldi-
satti sha`rtnamasi boyinsha satiwshi tu`siniledi.
Islep shig`ariwshi (satiwshi)
- bul lizing aliwshi (operativ lizingte lizing beriwshi)
ta`repinen tan`lang`an mu`lk iyesi esaplang`an ha`m bul mu`lk aldi-satti sha`rtnamasin
lizing beriwshi menen imzalag`an yuridikaliq yamasa fizikaliq ta`rep bolip tabiladi.
Lizing xizmetleri bazarinda xizmet ko`rsetip atirg`an brokerlik firmalari
ju`da` za`ru`rli orin tutadi. Olardin` maqset ha`m waziypasi biznes birge islesiwshi
qidiriw, bazardin` basqa qatnasiwshilari informatsiyaliq (informatsiya) ta`miynati menen
ta`miyinlew ha`m ha`tteki da`ldalshiliq waziypasin orinlawdan ibarat boladi.(2.7-

---

48
keste).
Xaliq-araliq lizing sub`ektleri bolip lizing beriwshi, lizing aliwshi yamasa jetkizip
beriwshi waziypasin orinlawshi shet ellik yuridikaliq ta`repler boliwi mu`mkin.