Sa’dullo Quronov galaktikada bir kun (ilmiy-fantastik qissa) Toshkent «Akademnashr»

JANGGA HOZIRLIK
«Ko‘kkezar»  to‘rt  kun  deganda  Miks  sayyorasiga 
yetib  bordi.  Qo‘mondon  Dordon  qahramonlarimizni  iliq 
kutib  oldi.  Bo‘lgan  voqealarni  eshitib  juda  g‘azablandi. 
U qaroqchi gikslarga qarshi jang qilishga tayyor ekanini 
bildirib:

---

124
– O‘zi shu qaroqchilar sabab galaktika xalqlarining tin-
chi buzildi. Mayli, shu bahonada galaktikamiz bu kallake-
sarlardan xalos bo‘ladi, ‒ dedi.
Qo‘mondon  Dordon  o‘zining  50  millionlik  askari,  1 
millionta  harbiy  kemasi  va  30  millionta  robot-droidi  bi-
lan  jang  qilishni  rejalashtirgan  edi. Ammo  Miks  qo‘shini-
da  «Ko‘kkezar»dek  kema  yo‘qligi  sababli  Dordon  Koinot 
muzeyiga  faqat  ikki  oydagina  yetib  borishi  mumkinligini 
aytdi. Bu muddatni oldindan bilgan Ahmad va Margol e’ti-
roz bildirish madi. Chunki Obma salmirliklar kemasida o‘z 
qarorgohiga qaytib borib, qo‘shini bilan Koinot muzeyiga 
kelgunicha uch oyga yaqin vaqt kerak bo‘ladi. Bu vaqt ichi-
da Miks qo‘shini Koinot muzeyiga yetib borib, jang oldidan 
yaxshilab tayyorgarlik qilib olishi ham mumkin edi.
Bir  oy  deganda  g‘azab  otiga  mingan  Obma  ham  o‘z 
qarorgohiga yetib keldi. U Koinot muzeyida Miks qo‘shini 
bilan jang qilishini hali bilmasdi. Shu sababli unga raqib-
lari  juda  ojizdek  ko‘rindi.  Lekin,  baribir,  bor  kuchi  bilan 
jangga kirishga qaror qildi. Chunki uning raqibi – odam 
bolasi juda «ayyor», aytish mumkinki, Obma shu kunga-
cha bunday jiddiy raqibga duch kelmagan edi. «Ikki marta 
meni dog‘da qoldirgani yetar. Bu safar uni tiz cho‘ktirma-
sam, qo‘shinim mendan yuz o‘girishi aniq», ‒ deb o‘yladi 
Obma. U o‘zining qirq millionlik qaroqchi-qo‘shini, bir mil-
lionta kemasi va oltmish millionta vahshiy robot-droidlari 
bilan jangga otlandi.
Koinot muzeyining ham ixcham qo‘shini bor bo‘lib, bu 
qo‘shin  ixtiyorida  besh  millionta  askar,  uch  yuz  mingta 
kema va ikki millionta robot-droid bor edi.
Ikki  oydan  so‘ng  Miks  qo‘shini  Koinot  muzeyiga  yetib 
keldi.  Qo‘mondon  Dordon  va  muzey  direktori  o‘zaro  itti-
foq tuzib, jang rejasini kelishib olishdi. Oradan bir oy o‘tib 
josuslar  qaroqchi  gikslarning  ham  yaqinlashib  qolganligi 
haqida xabar berdilar.

---

125
Hademay  Somon  yo‘li  galaktikasida  misli  ko‘rilmagan 
katta jang boshlanishi tayin edi. Bunday katta ko‘lamdagi 
jang hali galaktika tarixida bo‘lmagandi.