Баҳтли оила 1 Кириш

7. Фарзандлар ўртасида адолатли бўлиш.
Исломда, инсонлар тароқ тишлари каби тенгдирлар. Инсон қадри рангга, жинсга, 
ирққа кўра эмас, тақво биландир. Болалар орасида адолатли бўлиш зарур.
Ҳазрати Пайғамбар (с.а.в.) уч марта:
"Болаларингиз орасида адолатни кўзланг, болаларингиз орасида адолатни кўзланг,
болаларингиз орасида адолатни кўзланг"
"Аллоҳдан қўрқинг. Болаларингизни сизга яхшилик қилишидан кўнглингиз 
тўлганидай, улар орасида адолатни кўзланг".
Фарзандларга қиз ёки ўғил бўлишларига қараб муомалада бўлиш жоҳилият 
даврининг тушунчасидир. Жоҳилият даврида араблар қиз фарзанддан уялганлар. 
Қуръон буни шундай изоҳлайди:
"
Қачон бировларга қиз (кўргани ҳақида) хушхабар берилса, ғазаб тўлиб, юзлари
қорайиб кетар. Ва у (қизни) хўрлаган холида олиб қолиш ёки (тириклай) тупроққа 
қориш (тўғрисида ўй суриб), ўзига хушхабар берилган нарсанинг (яъни қиз кўришнинг) 
"ёмон"лигидан (номус қилиб) одамлардан яшириниб олур. Огоҳ бўлингизким, улар (бу
қилмишлари билан) энг ёмон (яъни ноҳақ) ҳукм чиқарурлар
" (Наҳл сураси, 58-59-оят).
Қиз бола заиф бўлгани учун ҳимояга кўпроқ муҳтож. Аммо бу билан уларни 
иккинчи даражага қўйиш тўғри эмас. Ҳазрати Пайғамбар (с.а.в.) шундай деганлар:
"Кимки уч қизни катта қилиб уларни едириб, ичириб ўз молидан кийдирса, қизлари у 
билан дўзах орасида парда бўладилар".
Болалардан баъзиларини бошқаларидан устун кўриш болалар орасида қизғанчиқлик 
ва ғанимликка сабаб бўлади.
93

---

Яқуб (а.с.) ўғли Юсуфда пайғамбарлик аломатларини сезгач, унга кўпроқ эътиборли 
бўлади. Бу хол бошқа ўғилларида ҳасад ва ғанимлик пайдо қилиб, ўз жигарларини – 
Юсуф (а.с.)ни чоҳга ташлашгача бориб етадилар (Юсуф 8-9): «Ўшанда улар (Юсуфнинг 
ўгай оғалари) айтган эдилар: «Гарчи, биз кўпчилик бўлсак-да, шак-шубҳасиз Юсуф ва 
унинг биродари (Бинямин) отамизга биздан кўра суюклироқдир. Дарҳақиқат, отамиз 
очиқ залолатдадир. (Яна дедилар:) Юсуфни ё ўлдиринглар, ёки бирон ерга олиб бориб 
тушланглар, (шундагина) оталарингиз фақатгина сизларга боқар. Кейин эса (тавба-
тазарру қилиб) яхши қавм бўлиб олурсизлар».