Вазирлиги қарши давлат университети

---

1 
ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ 
ВАЗИРЛИГИ 
ҚАРШИ ДАВЛАТ УНИВЕРСИТЕТИ 
ХОРИЖИЙ ТИЛЛАР ФАКУЛЬТЕТИ 
ФРАНЦУЗ ТИЛИ ВА АДАБИЁТИ КАФЕДРАСИ 
 
 
 
 
 
 
“ТАРЖИМА НАЗАРИЯСИ ВА АМАЛИЁТИ”
ФАНИДАН
МАЪРУЗАЛАР МАТНИ 
 
 
 
 
 
 
 
 
 
 
 
 
 
 
Қарши - 2019 

---

2 
1-Мавзу: Таржима назарияси ва амалиёти фанининг тарихи ва 
ривожланиш босқичлари.
Таржимашунослик фанининг объекти,
мақсади ва вазифалари. 
 
Режа: 
1.
Таржима назарияси ва амалиёти фанининг тарихи. 
2.
Таржима назарияси ва амалиёти фанининг ривожланиш босқичлари. 
3.
Таржима назарияси ва амалиёти курсинингб объекти, мақсади ва 
вазифаси.
4.
Таржиманинг хусусий назариялари
5.
Таржиманинг лингвистик назарияси 
 
Таълимий мақсад
: талабаларда таржима назарияси фанининг объекти ва
предмети, унинг филология соҳасида тутган ўрни ҳақида назарий билимларни, 
шунингдек, таржима жараёнининг моҳияти ҳамда бу жараёнда қўлланиладиган
методлардан фойдаланиш бўйича кўникмаларни шакллантириш.
Таянч сўз ва иборалар 
Таржима, таржимашунослик, лингвистика, бадиий адабиёт, тамойил, 
тиллараро тафовут, аслиятг, «чевуриш», «ўтказиш», «қайтариш», «ағдариш», 
«ўгириш», шеър, драматик ва насрий асар, тафсир, табдил, шарҳ. 
Ўзбекистонда таржимашунослик фани жадал суръат билан ривожланаёт-
ганлиги сабаби – бизда унинг яратилиши, катта истиқбол сари бориши учун зарур 
адабий-тарихий анъана, лисоний-услубий замин, материал, шароит мавжуд. 
Ўлкамизда таржима назарияси бўш-тақир ерда эмас, балки кўп асрлик таржима 
амалиёти қарор топиб, маданий ҳаётга томир отган турли таржима мактаблари 
тўплаган бой, ранг-баранг тажрибалар асосида туғилди. Таржимашунослик 
фанининг илдизлари узоқ тарихий замонларга бориб тақалади. Таржима қадимий 
даврларда, турли қабилага мансуб кишилар орасидаги ўзаро алоқа, мулоқот 
эҳтиёжи туфайли юзага келган. Тилмочлик деб аталадиган таржиманинг бу оғзаки 
тури ҳозирда ҳам сақланган.
Таржимачилик санъати қадимий тарихга эга. VI асрдан бошлаб суғд, 
паҳлавий тилидан туркий тилга таржималар бўлган. X-XI асрларда яшаган адиблар, 
олимлар ижодида ҳам таржима ва адабий-илмий алоқа кенг ривожланган.