Ўзбекистон республикаси иқтисодий тарақҚиёт ва камбағалликни қИСҚартириш вазирлиги ҳузуридаги маҳаллабай ишлаш ва тадбиркорликни

12-§. Усталарга интернет сайтларини ташкил этиш, ўз маҳсулотларини жаҳон электрон
савдо майдончаларига чиқариш ва реклама харажатлари учун субсидия ажратиш
тартиби
105. «Ҳунарманд» уюшмаси аъзоси бўлган ва тадбиркор сифатида давлат рўйхатидан
ўтган шахслар (кейинги ўринларда — уста) интернет сайтларини ташкил этиш, ўз
маҳсулотларини жаҳон электрон савдо майдончаларига чиқариш ёки реклама харажатлари
учун ажратиладиган субсидияларнинг айнан бир турини танлаган ҳолда харажатларни
қоплаш учун субсидия ажратиш бўйича тавсия беришни сўраб ўзининг доимий яшаш

---

манзилидаги ҳоким ёрдамчисига ёки «Онлайн маҳалла» электрон платформа орқали ариза
билан мурожаат қилиши мумкин.
Аризада устанинг фамилияси, исми ва отасининг исми, доимий яшаш манзили, паспорт
серияси ва рақами (ID-карта рақами), сўралаётган субсидия тури, Ҳунарманд» уюшмасига
аъзолиги ва тадбиркор сифатида давлат рўйхатидан ўтганлиги кўрсатилади, шунингдек,
электрон дастурий таъминот ишлаб чиқарувчи юридик шахс (кейинги ўринларда — дастурчи)
ўртасида тузилган шартнома нусхаси илова қилинади.
Аризада қайд этилган ва илова қилинган ҳужжатлардаги маълумотлар ҳаққонийлиги
учун уста жавобгар ҳисобланади.
106. Ҳоким ёрдамчиси уч иш кунида:
а) «Онлайн маҳалла» электрон платформаси орқали қуйидаги маълумотларни ўрганади:
устани ҳақиқатда «Ҳунарманд» уюшмасига аъзолигини ва тадбиркор сифатида давлат
рўйхатидан ўтганлигини;
дастурчининг давлат солиқ хизмати органларида рўйхатдан ўтганлигини;
сўралаётган субсидия туридан муқаддам фойдаланмаганлигини;
б) ўрганиш натижалари бўйича далолатнома расмийлаштиради ва далолатномада
қуйидагилар акс эттирилиши керак:
устани ҳақиқатда «Ҳунарманд» уюшмасига аъзолиги ва тадбиркор сифатида давлат
рўйхатидан ўтганлиги;
интернет сайтларини ташкил этиши, ўз маҳсулотларини жаҳон электрон савдо
майдончаларига чиқариши ёки рекламанинг айнан бир тури бўйича дастурчи билан
тузилган шартноманинг мавжудлиги;
сўралаётган субсидия туридан муқаддам фойдаланмаганлиги;
в) «Онлайн маҳалла» электрон платформаси орқали қуйидаги маълумотларни Марказга
юборади:
тавсия (тавсияда ушбу банднинг 
«а» кичик бандида 
назарда тутилган маълумотлар акс
эттирилади);
субсидия олиш бўйича устанинг аризаси ва унга илова қилинган ҳужжатлар;
ўрганиш натижалари бўйича расмийлаштирилган далолатнома.
Тавсия ва далолатномада кўрсатилган маълумотларнинг ҳаққонийлиги учун ҳоким
ёрдамчиси жавобгар ҳисобланади.
107. Агарда мурожаатчи мазкур Низомнинг 106-банди 
«а» кичик бандида 
кўрсатилган
талабларга мос келмаса ёки нотўғри (ёлғон) маълумотлар тақдим этганлиги аниқланган
ҳолатларда, субсидия ажратиш рад этилади ҳамда бу ҳақда ҳоким ёрдамчиси бир иш кунида
рад этиш сабабларини кўрсатган ҳолда устага хабарнома юборади.
108. Марказ икки иш кунида:
ҳоким ёрдамчиси томонидан юборилган ҳужжатларни ўрганиб чиқади;
ўрганиш натижасига кўра (агарда ҳужжатларда кўрсатилган маълумотлар ўз тасдиғини
топса) «Онлайн маҳалла» электрон платформаси орқали Агентликнинг ҳудудий бошқармасига
ҳоким ёрдамчиси томонидан юборилган ҳужжатларни илова қилган ҳолда хулоса юборади.
Бунда ҳоким ёрдамчисининг тавсияси ва расмийлаштирилган далолатномасида қайд
этилган маълумотларнинг ҳаққонийлиги хулосада кўрсатилиши керак.
Марказнинг хулосасида қайд этилган маълумотлар ҳаққонийлиги учун Марказ жавобгар
ҳисобланади.
109. Агарда ҳоким ёрдамчиси томонидан юборилган ҳужжатларда қайд этилган
маълумотлар ўрганиш давомида ўз тасдиғини топмаса, Марказ томонидан субсидия ажратиш
рад этилади ҳамда бу ҳақда сабабларни кўрсатган ҳолда Марказ икки иш кунида «Онлайн
маҳалла» электрон платформаси орқали ҳоким ёрдамчисига ва устага хабарнома юборади.

---

110. Агентликнинг ҳудудий бошқармаси икки иш кунида:
Марказ хулосасини ва у билан юборилган ҳужжатларни ўрганиб чиқади;
ўрганиш натижасига кўра (агарда хулоса ва ҳужжатларда кўрсатилган маълумотлар ўз
тасдиғини топса) уста ва дастурчи ўртасида тузилган шартномада кўрсатилган умумий
сумманинг 50 фоизи, бироқ, базавий ҳисоблаш миқдорининг йигирма беш баравари
миқдоридан ошмайдиган қисми учун субсидия ажратиш тўғрисида Агентлик ҳудудий
бошқармасининг тегишли буйруғи қабул қилинади ҳамда бу ҳақда буйруқ нусхасини илова
қилинган ҳолда «Онлайн маҳалла» электрон платформаси орқали Марказга ва ҳоким
ёрдамчисига ҳамда устага хабарнома юборади.
111. Хабарномани олган сўнг уста банк реквизитларини Агентликнинг ҳудудий
бошқармасига тақдим этади ҳамда Агентликнинг ҳудудий бошқармаси субсидияни икки иш
кунида устанинг банкдаги ҳисобварағига ўтказиб беради.
112. Агарда Марказ томонидан берилган хулосада қайд этилган маълумотлар ўз
тасдиғини топмаса, Агентликнинг ҳудудий бошқармаси томонидан икки иш кунида субсидия
ажратиш рад этилади ҳамда бу ҳақда сабабларни кўрсатган ҳолда «Онлайн маҳалла» электрон
платформа орқали Марказга ва ҳоким ёрдамчисига ҳамда устага хабарнома юборади.
113. Ушбу субсидия туридан фойдаланиш ҳуқуқи бир марта берилади.