Qishloq va suv xo’jaligi vazirligi

Kasalliklar
 
paytida terining namligi qo’yidagicha o’zgarishi
 
mumkin:
1. Hayvonning terlashi yoki gipergidroz. Bu holat ko’pincha otlarda, ayrim paytlarda 
kavshovchilarda uchrashi mumkin. Me’yorda tashqi harorat juda yuqori bo’lganda hayvonlar 
quyosh nuri ostida qolib ketganda, havo namligi ko’payganda, ishlaganda ham umumiy terlash 
kuzatiladi. Patologik umumiy terlash kuchli va og’ir isitmada, mioglobinuriyada, sanchiq paytida, 
kuchli og’riq bo’lganda, yurak kasalliklarida, uremiyada, kaltirash paytida, pilokarpin, adrenalin va 
salisil dorilarini organizmga yuborganda kuzatiladi. 
2. Chegaralangan yoki mahalliy terlash (gipogidroz) - bunda ayrim joydagi teri va junlar ter 
tomchilari bilan qoplangan bo’ladi. Bu holat periferik nervning mexaniq jarohatlanishi, orqa miya 
yallig’lanishi va jarohatlanishi paytida kuzatilishi mumkin. Otlarda me’da joylashgan joyning
kuchli terlashi, me’da yorilishining belgisidir. Terida qon oqishlar bo’lsa, qonli ter paydo 
bo’lishi mumkin (gemogidroz). 
3. Terining quruqligi (angidroz) - terida terning hosil bo’lishi kamaysa yoki umuman 
bo’lmasa kuzatiladi. Bu holat organizm suvsizlanganda, oriqlikda, diabetda, nefrit kasalliklarida, 
isitmada bo’lishi mumkin. Quruq terida junlar ho’rpaygan bo’ladi, bu paytda burun oynachasi, itlar 
va mushuklarning burni quruq bo’ladi. Paypaslaganda teri kuruq, issiq va yorilgan bo’lib, teri 
yuzasida ko’p qobiqlar paydo bo’ladi. Qoramollarning me’da - ichak kasalliklarida ter tomchilari 
kichkina-kichkina bo’lib, terni artgandan keyin darhol yana hosil bo’lmaydi. Shuning uchun 
tekshirganda ter tomchilarining kattaligiga ham e’tibor beriladi. 
Terining harorati - terining haroratini aniqlash bilan teridagi, teri osti to’qimalaridagi va ichki 
a’zolardagi patologik jarayonlarni, teri qon tomirlarida qonning bir tekisda tarqalishini, issiqlikning 
tashqariga berilishini va tana haroratini aniqlash mumkin. 
Terining harorati qon tomirlarining qalinligiga, qon tomirlardagi qonning miqdori va 
tezligiga, issiqlikning tashqariga berilishiga bog’liq. Shuning uchun terining harorati har xil 
hayvonlarda va terining har xil joyida har xil bo’ladi. Bu qo’yidagi jadvalda ko’rsatilgan: