Узбекистон Республикаси Ташки Ишлар Вазирлиги

Легат турлари.
Легатлар 4 турга бўлинган: 
а)
Legatum per vindicationem
деб аталган легатда легатарий
меросхўрлар томонидан мерос қабул қилиниб олинаётганда легат мулкини 
қабул қилиб олган. Легатарийнинг бу ҳуқуқи rei vindicatio мулкий даъво 
билан ҳимоя қилинган. 
б)
Legationem per damnationem
легатларнинг яхши тури бўлиб, бу 
легат бўйича ҳар қандай буюм легат сифатида берилиши мумкин бўлган. 
Мазкур легат легатарийга бирон-бир мулкка эгалик ҳуқуқи ёки бошқа 
ашёвий ҳуқуқ бермаган. Бу легат бўйича мерос қолдирувчи меросхўрга
бирон-бир буюм бериш топшириғини берган. Меросхўр меросни қабул 
қилиб олиш тўғрисида эълон қилса, легатарий
actio ex testamento
даъвоси 
ёрдамида легатни бажаришни талаб қилган. Бу даъво бўйича меросхўр,
легат предметини ташкил қилувчи буюм қаерда бўлишидан қатъий назар,
мерос қолдирувчининг охирги истагини бажаришга киришган. 

---

255 
в)
Legatum sinendi modo
легати бўйича легат предмети мерос 
қолдирувчи ёки меросхўрнинг бирон-бир шахсий буюми бўлиши мумкин 
бўлган. Меросхўр легатарийга шундай буюмни олиб кетишга тўсқинлик 
қилиши мумкин бўлмаган. 
г)
Legatum per praeceptionem
легатининг мазмуни мунозаравий 
бўлган. Сабинянлар бу легат фақат мерос қолдирувчининг мулкидан 
олиниши ва бу васиятда кўрсатилган меросхўрлардан биронтаси томонидан 
қилиниши мумкин бўлган деб ҳисоблашган, прокульянлар эса бу легатни
legatum per vindicationemнинг бир кўриниши сифатида талқин қилишган. 
Юстиниан фидеикомиссга ўхшаш легатдан ташқари легатларнинг барча 
турларини бекор қилди. 
Легатарийларнинг ҳуқуқий ҳолати ва уларнинг ҳимояси.
Мерос 
қолдирувчининг фармойишига асосланиб, легатарийлар универсал 
меросхўрлардан мерос қолдирувчининг истагини бажаришни талаб 
қилишган. Шу тариқа, меросхўрлар зиммасига легатарийлар томонидан 
мажбурият юкланган. Легатарийлар ҳуқуқи мерос очилган пайтда ўрнатилиб, 
универсал сукцессорлар меросни қабул қилиб олиши суспензив шартланган. 
Легатарийлар сингуляр сукцессорлар статусига эга бўлиб, легат 
предметидаги қарзлардан ташқари, бошқа мерос бўйича қарзлар юзасидан 
жавоб беришмаган. Легатарийлар ўз ҳуқуқларини ҳимоя қилиш учун