2 O„zbekiston respublikasi oliy va o„rta maxsus ta‟lim vazirligi

 
Urug„ning unib chiqishi
. 
Urug„lar bir murtakli ildizcha bilan unib chiqadi, 
o„sib chiqqandan boshlab to 3-4 ta barg hosil bo„lgunga qadar u jadal shoxlanadi, 
bunda ildiz tuklari bilan qoplangan katta miqdordagi yon ildizchalar hosil bo„ladi.
Murtak ildizcha haqiqiy ildizlar paydo bo„lguncha tuproqdan suv va oziq 
unsurlarini shimib olib, o„simlik hayotining oxirigacha saqlanadi. Unib chiqqandan 
4-8 kundan keyin tuplanish bo„g„ini shakllanadi va ikkilamchi ildizlar hosil 
bo„lishi sodir bo„ladi, tashqi ko„rinishi jihatidan murtak ildizchaga o„xshaydi.
Poyaning yer osti qismining pastki bo„g„inlaridan havo ildizlari yoki 
tayanch ildizlari paydo bo„lib o„simlikning mustaxkamligini ta‟minlaydi va 
qo„shimcha oziqlanish manbasi bo„lib xizmat qiladi.
Jo„xori ildizlari 180-190 sm chuqurlikgacha kirib boradi, ildizlarning 
yarmidan ko„p massasi 0-20 sm li qatlamida joylashgan. Tezpishar navlarida 5-10 
ta bo„g„in oraliqlari mavjud, kechpisharlari 20-25 ularning uzunligi poyaning 
pastki qismida 1-2 sm, yuqori qismida esa 40 sm gacha bo„ladi.
Jo„xorining muhim biologik xususiyatlaridan biri bu uni o„rgandan keyin 
yana o„sishidir-bunda poyaning kurtaklaridan va kesilgan joyining uyqudagi 
tuplanish bo„g„inchasining kurtaklaridan va poyaning o„rilganda o„rmasdan ketsa, 
o„sish nuqtalaridan va yangi paydo bo„lgan novdalardan yana o„sadi.
Ro„vak to„la shakllanganda gullash 8-12 kun davom etadi, ba‟zi bir 
navlarda esa 16 kungacha davom etishi mumkin. Gullash ertalab havo harorati 16-
18 °C, havoning nisbiy namligi 60-80% bo„lganda sodir bo„ladi. Har bir gulning 
gullash davomiyligi 1-2 soat. Pishgan changdonlari yoriladi va changlar havo 
oqimi bilan butun dalaga tarqaladi, bunda u onalikning og„izchalariga tushib o„sadi 
va bo„g„inchaga kirib boradi va u yyerda urug„lanish jarayoni sodir bo„ladi.
Jo„xori fakultativ o„z-o„zini changlatuvchi, ya‟ni chetdan changlanish 
qobiliyati ham bor, lekin unda o„z-o„zini changlantirish ustunlik qiladi.

---

145