Televideniye va radio rejissurasi

Muqaddima (prolog)
– asar voqealariga ochilgan eshik. 
Asosiy voqealar bo‘lib o‘tadigan vaziyat, muhit tanishtiriladi. 
Xotima (epilog)
– ma’lum bir vaqt o‘tgandan keyin 
qahramonlar hayotida nima o‘zgarganligini bayon qiluvchi qism.
Syujet
– muallif g‘oyalarining, dunyoqarashining, u ko‘zda 
tutgan xarakterlarning namoyon bo‘lishini ta’minlovchi badiiy 
shakllar tizimi.
Eskiz
– ssenariy, mavzu, kompozitsiya, rang va uslubga 
asoslangan badiiy asardir. Film plastik yechimining asoslari 
eskizlarga singdiriladi. Rassomlar ijodiy hususiyatlarining o‘ziga
xosligiga va ijro texnikalariga qarab farqlanadilar.
Mizansahna
–bu rejissor g‘oyasini filmda aktyorlarning
tabiiy-organik xatti-harakatlari orqali plastik va makon nuqtayi 
nazaridan hal qilishdir. 
Rakurs 
– buyum va odamning har xil tomondan ko‘rinishi. 
Dialog.
Ekranda ikki yoki undan ortiq kishi suhbati. O‘yin 
sahnasida intervyu, suhbat yoki luqma.
Muallif matni.
Uni yana suxandon matni yoki muallif sharhi 
deb ham yuritiladi. Ba’zan ko‘rsatuv yoki film kadr ortidan bir 
qahramonning sharxi bilan yuritiladi. Ba’zi hollarda sharx bir 
nechta ovozlar bilan yuritilishi mumkin.
Kadr orti monologi yoki dialogi.
Bunday rejissorlik to‘xtami 
tomoshabin qahramonlarni ko‘rmasdan, faqat ularning ovozini 
eshitayotgan holatda ro‘y beradi. Ular sharx singari voqea rivojini 
kuzatib boradi, ular bu voqealarda ayni paytda yoki ilgari 
qatnashgan bo‘lishi mumkin.

---

92
Ichki monolog.
Ko‘pincha, so‘z ochiq talaffuz qilinmaydi, 
biz o‘zimizcha fikr yuritamiz. Ichki monologning bu ko‘rinishi 
aynan shu holatni vujudga keltiradi. Kadrda qahramon og‘zini 
ochmay, talaffuz qilmay harakatda bo‘ladi, ammo bu paytda 
uning ovozi kadr ortidan keladi, u luqma tashlaydi, o‘z-o‘zi yoki 
hayoliy raqibi bilan suhbatlashadi.