Амалий машғулот №6. Асаб марказлари ва уларнинг хоссалари Тематик режа

Умумий охирги йўл.
Организмнинг турли жавоб реакцияларини келиб 
чиқишида орқа миянинг бир гуруҳ мотонейронлари иштирок этади. Бу ҳолатни 
Ч.Шеррингтон ҳаракат реакцияларининг «умумий охирги йўли» деб атади. Орқа 
миянинг бир гуруҳ мотонейронлари турли хил рефлексларни амалга ошишида 
қатнашади. Масалан, юриш, маълум бир тана ҳолатини ушлаб туриш, 
ҳимояланиш реакциялари бир гуруҳ мотонейронлар иштирокида юзага келади. 
Буларнинг барчаси бир гуруҳ мотонейронлар бир нечта рефлекс ёйи таркибига 
киришини кўрсатяпти. Ч.Шеррингтон умумий охирги йўл тарзини оддий 
воронкага ўхшатган. Воронканинг кенг қисмидан ахборот кириб тор қисмидан 
чиқиб кетади. 
Марказий нерв тизимида сезувчи нейронларнинг ҳаракатлантирувчи 
нейрондан 5 марта кўплиги умумий охирги йўл тарзининг морфологик асоси 
ҳисобланади. Нерв, марказ билан боғлиқ аъзонинг эҳтиёжидан келиб чиқиб 
марказ ўзининг функциясини ўзгартириши мумкин. Нерв марказининг бу 
хусусиятини А.Бетс «пластиклик» деб атади. Агар итни операция қилиб 
диафрагмага ва оёғига борган нервлари кесилиб алмаштириб тикилса, яъни 
диафрагма нервининг марказий қисми оёқ нервининг периферик қисмига ва оёқ 
нервини диафрагма нервининг периферик қисмига уланса, маълум вақт ўтгандан 
кейин диафрагма ва оёқнинг ҳаракати тўла тикланади. Демак, диафрагма ва оёқ 
ҳаракатини бошқарувчи нервларнинг марказлари ўз функцияларини улар билан 
боғлиқ аъзолар эхтиёжига созладилар. 
ЎЗ-ЎЗИНИ ТЕКШИРИШ УЧУН САВОЛЛАР 
1.
Нейроннинг қўзғалиш кучини ўзгартиришда Реншоу хужайралари қандай 
вазифани бажаради? 
2.
Тормозланиш деб нимага айтилади? 
3.
Асаб тўқимаси қўзғалганда қандай жараёнлар ҳосил бўлади? 
4.
Марказий асаб системасида тормозланиш жараёнини ким ва қачон очган? 
5.
Қайси тажрибада биринчи марта “марказий “ тормозланиш кўрсатилган? 
6.
Марказий асаб системасининг нейронларида тормозланишни қайси икки тури 
сизга маьлум? 
7.
Нейроннинг постсинаптик тормозланиши деб нимага айтилади? 
8.
Постсинаптик тормозланишда нейроннинг мембрана потенциалида нима 
содир бўлади? 
9.
Нейроннинг пресинаптик тормозланиши деб нимага айтилади? 
10.
Марказий асаб системасида қайси тормозланиш реципрок(пайваста) деб 
айтилади? 

---

11.
Қайси тажрибада рецепрок тормозланишни кўрсатиш мумкин? 
12.
Қўзғалиш 
ва 
тормозланиш 
жараёнларини 
тақсимланишида 
асаб 
марказларининг анатомик яқинлиги қандай ахамиятга эга?