Тошкент-2021 3 Апрель 2021 10-қисм Тошкент апрель 2021 йил. Тошкент: «Tadqiqot»

Annotatsiya: 
Ushbu maqolada tarbiya darsida o‘quvchilarni kitobga qiziqtirishning ahamiyati 
yoritilgan bo‘lib, unda kitob o‘qishning ahamiyati va interfaol usul hamda o‘yinlar orqali o‘qu-
vchilarni kitobga qiziqtirish haqida so‘z boradi.
Kalit so‘zlar:
kitob, oftob, mutolaa, mehr, topag‘on, ta’lim, bilim, tarbiya…
Kitob – insonning yaqin do‘sti, suhbatdoshi, sir-
doshi. U kishining dunyoqarashi, so‘z boyligini os-
hiradi. Amerikalik olim, yozuvchi Nil Geyman olib 
borgan tadqiqot natijasi shuni ko‘rsatdiki, kitob mu-
tolaa qilmaydigan bolalar kelajakda bezori bo‘lib 
ulg‘ayishi ehtimoli yuqori ekan. Shu bilan birga, 
kitob o‘qish odamlarni empatiyaga – faqat o‘z xo-
hish-istaklari va manfaatlarini o‘ylashdan voz kechib, 
umumiy maqsad yo‘lida birlashishga undaydi.
Barchamizga ma’lumki, yoshlarni kitob muto-
laasiga qiziqtirish maqsadida yurtimizda qator ish-
lar amalga oshirilmoqda. Turli tanlovlar, suhbatlar, 
uchrashuvlar o‘tkazilmoqda. Ayniqsa, Prezidentimiz 
Mirziyoev Shavkat Miromonovich tomonidan 2017 
yil 12 yanvarda “Kitob mahsulotlarini chop etish 
va tarqatish tizimini rivojlantirish, kitob mutolaasi va kitobxonlik madaniyatini oshirish hamda 
targ‘ibot qilish bo‘yicha komissiya tuzish to‘g‘risida”gi farmoyishi kitob mutolaasiga qiziqtirish 
uchun katta qadam bo‘ldi desak mubolag‘a bo‘lmaydi. 
Xitoylik olimlar esa AQShning butun dunyoni zabt etgan Apple, Microsoft kompaniyalari sir-
ini bilish maqsadida u erda o‘z tadqiqotchilarini yuborganlar. Izlanishlar shuni ko‘rsatdiki, nan-
otexnologiyalar ixtirochilari bolalikda fantastik asarlar mutolaasiga mehr uyg‘otish, asrlar osha 
ajdodlar ilmiy, adabiy merosini qadrlashga, unga ehtiyotkorona munosabatda bo‘lishga o‘rgatish 
muhim degan qoidaga amal qilishar ekan. Hamma zamonlarda ham kitobga katta ehtirom bilan 
qarashgan, unga ehtiyotkorona munosabatda bo‘lishgan. Ocharchilik va urush yillarida kishilar 
nochor xolatda qolganlarida ham, uyda bor bisotlarini sotishgan, biroq kitoblarni bebaho buyum 
sifatida asraganlar.