Тошкент-2021 3 Апрель 2021 10-қисм Тошкент апрель 2021 йил. Тошкент: «Tadqiqot»

Апрель 2021 10-қисм
Тошкент
INNOVATSION O‘QITISHDA O‘QUVCHILAR DIQQATINI RIVOJLANTIRISHNING 
PEDAGOGIK ASOSLARI
Ochilova Gulzoda Uktamovna 
Navoiy viloyati Navbahor tumani 
13- maktab tarix o‘qituvchisi 
Tel: [phone] Email: 
[e-mail]
 
Annotatsiya:
Bu maqolada o‘quvchilarni o‘qitishda innovatsion metodlardan foydalanish 
usullari haqida so‘z yuriltilgan hamda o‘qituvchilarga bu borada tavsiyalar berilgan.
Kalit so‘zlar:
innovatsion o‘qitish, metod, metodologiya, pedagogika
O‘quv jarayonida bolaga har bir daqiqada juda ko‘p omillar ta’sir etib turadi. Lekin, o‘quvchiga 
ta’sir etayotgan bu omillarning hammasi bir xil aniqlikda aks etmaydi. Ulardan ayrimlari aniq, 
yaqqol aks etsa, boshqa birlari shunchaki juda xira aks etadi, yoki umuman aks etmaydi. Bu 
esa ana shu bolaga ta’sir etayotgan narsalarga diqqatning qay darajada qaratilishiga bog‘liqdir. 
Shuning uchun o‘quvchi diqqati qaratilgan narsa va hodisalar aniq va to‘la aks ettiriladi. 
O‘quvchi o‘quv faoliyatining sifatini ta’minlaydigan eng asosiy vositalardan biri diqqatdir. O‘z 
faoliyatining samaradorligini oshirish uchun har bir pedagog diqqat haqida umumiy tushunchaga 
ega bo‘lishi kerak. Quyida diqqat haqidagi nazariy tushunchalar umumiy shaklda o‘z aksini topgan 
Diqqat deb - ongni bir nuqtaga to‘plab muayyan bir ob’ektga faol qaratilishiga aytiladi. Diqqat 
shunday muhim jarayonki, u odamning barcha faoliyatida ishtirok etadi. Eng sodda faoliyatdan 
tortib eng murakkab faoliyatni ham diqqatning ishtirokisiz bajarish mutlaqo mumkin emas. Shun-
ing uchun diqqatning inson hayotidagi roli benihoya kattadir. K.D.Ushinskiyning “diqqat ruhiy 
hayotimizning shunday yagona eshigidirki, ongimizga kiradigan narsalarning barchasi shu eshik 
orqali o‘tib kiradi”40 degan fikrlari uning ahamiyatini bildiradi. Haqiqatdan, ham diqqat eshigidan 
tashqarida qolgan narsa ongimizga yetib bormaydi. Diqqat sezish jarayonida, idrok qilishda, xoti-
ra, xayol va tafakkur jarayonlarida har doim ishtirok etadi. Shu sabab diqqat psixik jarayonlarning 
sifatini ta’minlovchi vosita hisoblanadi. 
Bola o‘quv faoliyatiga zo‘r diqqat bilan kirishgan paytida uning tashqi qiyofasida ayrim o‘zgar-
ishlar ko‘zga tashlanadi. Diqqatning sirtqi, ya’ni tashqi alomatlari quyidagicha ifodalanadi.