Ўзбекистон республикаси ҳисоб палатаси

12,9 трлн сўм миқдоридаги асосий қарзни
қайтариш 
харажатларини қуйидаги манбалардан қопланиши режалаштирилган: 
11,0 трлн сўм – ташқи қарз маблағларини жалб қилиш ва еврооблигациялар 
жойлаштириш ҳисобига; 
6,0 трлн сўм – ички бозорга Давлат қимматли қоғозлари чиқариш ҳисобига; 
2,7 трлн сўм – Тикланиш ва тараққиёт жамғармасининг йил бошига қолдиқ 
маблағлари ҳисобидан; 
6,0 трлн сўм Давлат активларини хусусийлаштириш ҳисобидан тушумлар; 
0,2 трлн сўм – Давлат бюджети ва Давлат мақсадли жамғармаларининг йил 
бошига қолдиқ маблағлари ҳисобидан 
12,0 трлн сўм – Давлат дастурларини амалга ошириш учун вазирлик ва 
идоралар томонидан жалб қилинган ташқи қарз маблағлари ҳисобидан. 
2022 йил охиригача Давлат қарзи 33,6 млрд АҚШ доллари миқдорида 
прогноз қилинмоқда. Шундан 23,5 млрд АҚШ доллари Ўзбекистон номидан 

---

73 
жалб қилинган ва 6,9 млрд АҚШ доллари Ўзбекистон Республикаси 
кафолатлаган ташқи қарз. 
2022 йилда давлат ташқи қарзига хизмат кўрсатиш (асосий қарз ва фоиз) 
харажатлари 1,9 млрд АҚШ доллари миқдорида, жумладан Давлат бюджети 
маблағлари ҳисобидан 0,7 млрд АҚШ доллари миқдорида маблағ ажратиш 
прогноз қилинмоқда. 
7.1
 
Ўзбекистон Республикаси Президентининг 2021 йил 16 июндаги 
“
Давлат органлари ва ташкилотларининг фаолияти очиқлигини таъминлаш, 
шунингдек, жамоатчилик назоратини самарали амалга оширишга доир қўшимча 
чора-тадбирлар тўғрисида”ги ПФ-6247-сонли Фармонида Молия вазирлиги 
давлат иштирокидаги корхоналарга сарфланган Давлат бюджети маблағлари, 
тегишлича хориждан жалб этилган маблағлар, шу жумладан давлат ташқи қарзи 
суммалари ҳамда уларнинг сарфланиши тўғрисидаги маълумотларни ҳар 
чоракда очиқ маълумотлар порталида эълон қилиб бориши белгиланган. 
Бундан ташқари, ушбу Фармон билан илғор халқаро стандартларга мувофиқ 
Давлат бюджети ва давлат мақсадли жамғармалари бюджетлари, чет эл давлатлари 
ва халқаро ташкилотлардан олинган ташқи қарзлар тўғрисидаги ахборотнинг 
ҳажми ва аниқ рўйхатини белгилаш, уни деталлаштирилган ҳолда жамоатчиликка 
етказиш чораларини кўриш вазифалари Молия вазирлиги, Иқтисодий тараққиёт ва 
камбағалликни қисқартириш вазирлиги ва бошқаларга юклатилган.