Маъмурий ва жиноят суд ишларини юритиш

4. Қарши даъвонинг судловлилигини белгиланг. 
53.
Даъвогар Отахонов Д. жавобгар Отахонова К.га нисбатан никоҳдан 
ажралиш тўғрисидаги даъво талаби билан судга мурожаат қилди. Ишни 
судда кўришга тайёрлаш жараёнида суд томонларни дастлабки сўроқ 
беришга ва ишни мазмунан кўришга тайёрлаш учун процессуал ҳаракатларни 
амалга оширилишини таъминлаш мақсадида судга чақирди. Томонлар икки 
марта хабардор қилинишига қарамай, фақат даъвогар келиб, жавобгар 
келмади. Шундан сўнг судья никоҳдан ажралишга жавобгар рози эмас деб 
топиб, тайёрлаш босқичидаёк иш юритишни тугатади. Даъвогар эса суддан 
сиртдан иш юритишни сўрайди. Судья бу талабни рад этиб, ушбу иш бўйича 
сиртдан иш юритиш мумкин эмаслигини тушунтиради. 
Савол:
1. Судьянинг ҳаракатлари тўғрими? 
2. Томонлардан бирининг судга келмаслиги иш юритишни 
тугатишга асос бўла оладими? 
3. Ишни судда кўришга тайёрлаш босқичида даъвогар талабининг 
рад этилиши асослими? 
54.
Фуқаролик ишлари бўйича туманлараро судга даъвогар 
Зайниддинова Д. жавобгар Зайниддинов Ё.га нисбатан уйга киритиб қўйиш 
ҳақидаги даъво аризаси билан мурожаат қилади Ишни судда кўришга 
тайёрлаш жараёнида даъвогар ва жавобгар тегишли тартибда хабардор 
қилинишига қарамай, судга фақат даъвогар келди. Судда ишни мазмунан 
кўриш жараёнида жавобгар даъво аризасининг нусхасини олмаганлигини, 
ишни судда кўришга тайёрлаш жараёнида у ҳеч қандай чақириқ қоғози 
олмаганлигини, ишга доир далиллар келтириш учун тайёрлаш муддатини яна 
қайта тиклаб беришни суддан сўрайди. 
Савол: 

---

40 
1. Жавобгарнинг эътирози ўринлими? 
2. Судьянинг ҳаракатлари қандай бўлади? 
3. Иш тайёрлаш жараёнида гувоҳлар сўроқ қилинадими? 
4. Тайёрлаш муддатини қайта тиклаш мумкинми? 
55.
Хоразм вилоят ИИБ ходими Матниязова К. ходимларни аттестация 
қилиш комиссияси қарорига кўра ишдан бўшатилган. Матниязова ўзини 
ноқонуний ишдан бўшатилган деб ҳисоблаб, Урганч туманлараро фуқаролик 
ишлари бўйича судига мурожаат қилади. Ишни мазмунан кўрган судья 
даъвони рад этиш ҳақида ҳал қилув қарори чиқаради. Уч кундан кейин ҳал 
қилув қарори нусхасини олган Матниязова ҳал қилув қарорида прокурор 
Умаров иштирокида иш кўрилганлигини билади. Лекин унга суд процессида 
прокурор қатнашмаганлиги, иш бўйича ҳеч қандай фикр бермаганлиги 
маълум эди. Шундан сўнг Матниязова суд мажлиси баённомасида бу ҳақда 
нима дейилганлигини кўриш мақсадида суд девонхонасидан суд мажлиси 
баённомасининг нусхасини беришни ёки уни ўқиб чиқишни илтимос қилади, 
лекин рад жавобини эшитади.