N. B. Dilmurodov

O‘n ikki barmoq ichak
– 
intestinum duodenum
uzunligi 90 – 120 sm 
bo‘lib, u pilorusdan boshlanadi. Bu ichak o‘ng qovurg‘alar ostida, jigar darvozasi 
to‘g‘risida S – simon burma – 
flexura siqmoidea
hosil qiladi. So‘ngra u qiya 
holatda yuqoriga va orqaga chiqadi, jigar yo‘li – 
ductus choledochus
ni, oshqozon 
osti bezi yo‘li – 
ductus pancreaticus
ni qabul qiladi va o‘ng buyrakka yaqinlashadi. 
Shu erda birinchi burma – 
flexura prima
hosil qilib, orqaga buriladi, keyin esa 
gorizontal ravishda tos tomonga o‘tib, to yonbosh suyagigacha boradi. Bu erdan 
chapga burilib, ikkinchi burma – 
flexura secunda
ni hosil qiladi, so‘ngra oldinga 
burilib – uchinchi burma – 
flexura tertia
hosil qiladi va oldinga yo‘nalib, yana 
jigargacha keladi. Bu erda u o‘n ikki barmoq-och ichak burmasi – 
flexura 
duodenojejunalis
ni hosil qiladi va bilinar bilinmas chegara hosil qilib, och ichakka 
o‘tadi. Ichak vorsinkalari shilliq pardaning to‘rsimon burmalarida joylashgan. 
O‘n ikki barmoq ichak oshqozon bilan oshqozon-o‘n ikki barmoq ichak 
payi – 
ligamentum
gastroduodenale;
jigar bilan jigar-o‘n ikki barmoq payi – 
ligamentum hepatoduodenale;
buyrak bilan buyrako‘n ikki barmoq – 
ligamentum 
renoduodenale;
ko‘r ichak bilan ko‘r ichak-o‘n ikki barmoq payi – 
ligamentum 
caecoduodenale;
chambar ichak bilan chambar-o‘n ikki barmoq payi – 
ligamentum 
duodenocolicum
yordamida birlashadi.
Och (achchiq) ichak 
– 
intestinum jejunum
hamma ichaklarga nisbatan eng 
uzuni bo‘lib, o‘ramlar – 
ansae
hosil qiladi. Ichak o‘ng qovurg‘alar ostida, yonbosh 
va qov sohalarida joylashgan. Ichak shilliq pardasida limfa tugunlari va peyerov 
toshmalari nihoyatda ko‘p miqdorda bo‘ladi. Och ichak, ichak tutqichi ildiziga 
osilib turadi. Bu ichakning uzunligi qoramolda 40 m, qo‘yda esa 30 metrgacha 
bo‘ladi.