Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

банк депозитлари бўйича 
реал ижобий фоиз ставкаларнинг таъминлаб борилиши
ва 
валюта 
курсининг барқарор даражада шаклланиши
ҳамда 
рақамли банк 
хизматларининг ривожлантирилиши
орқали аҳоли жамғармаларининг 
босқичма-босқич банк тизимига кириб келиши кутилмоқда. 
Умуман, фоиз каналининг ривожлантирилиши фоиз ставкалар бўйича 
қарорларнинг иқтисодиёт субъектларига ўтиши орқали уларнинг 
қарорларида ўзининг самаралироқ аксини топади. Натижада, ялпи 
талабнинг шаклланиши орқали 
инфляцияга бўлган босимларни пул-
кредит сиёсати орқали назорат қилиш
имконияти юзага келади. 
Валюта курси канали.
Капитал оқимлари эркин ҳаракатланадиган ва 
молиявий бозорлари етарлича ривожланган мамлакатларда 
фоиз 
каналининг валюта курси канали билан кучли боғлиқлиги
кузатилади. 
Хусусан, фоиз ставкаларининг пасайиши мамлакатга капитал оқимининг 
камайишига сабаб бўлиб, валюта курси девальвациясини келтириб 
чиқаради. 
Миллий валюта қадрсизланиши эса, ўз навбатида, 
экспортни қўллаб-
қувватлаши ва импортни чеклаши
нуқтаи назаридан пул-кредит 

---

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2021 ЙИЛ ВА 2022-2023 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
84
 
шароитларини юмшатувчи ва иқтисодий ўсишни рағбатлантирувчи 
омиллардан ҳисобланади. 
Бизнинг шароитда эса фоиз ва валюта курси каналларининг ўзаро 
боғлиқлиги нисбатан пастроқ бўлиб, молия ва капитал бозорлари етарли 
даражада ривожланмаганлиги, давлат қимматли қоғозлари бозорига 
норезидентларнинг киришига чекланганлиги сабабли фоиз канали таъсири 
фақатгина банк тизимига жалб этадиган хорижий кредит линиялари оқимига 
таъсир кўрсатиши мумкин. 
Шунингдек, фоиз ставкалар ўзгариши аҳолининг жамғариш 
кайфиятига, хусусан,