Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

Моделни баҳолашдаги ўзига хосликлар 
Инфляцион босим валюта курсининг импорт қилинган товарла 
нархларига таъсири орқали юзага келади. Бу эса, инфляцион кутилмаларга, 
шунингдек, маҳаллий товарларни ишлаб чиқаришда бутловчи қисмлар ва 
якуний истеъмол товарлари нархларига оширувчи таъсир кўрсатади. 
Иқтисодиётни кредитлаш канали орқали иқтисодиётга ажратилган 
кредитларнинг ўсиши ва унга мос равишда пул массасининг ўсиши 
нархларнинг қимматлашишига олиб келади.
Ишлаб чиқаришдаги ижобий тафовутнинг юзага келиши иқтисодиётда 
ялпи талабни ишлаб чиқаришнинг потенциал даражадан оғишини 
кўрсатади. Бунинг натижасида, нархларга оширувчи босим юзага келади.
Ишлаб чиқарувчилар нархлари индекси хорижий давлатлардан олиб 
келинадиган, маҳаллий товар ва хизматларни ишлаб чиқаришда 
фойдаланиладиган бутловчи қисмлар ҳамда хом-ашё нархлари, шунингдек, 
тартибга солинадиган нархларнинг ўзгаришига (электр энергияси, газ, сув 
тарифлари ва бошқалар) жавобан ўзгариб боради. Ушбу инфляцион омил 
узоқ муддатли характерга эга бўлиб, инфляциянинг таклиф томонини кўпроқ 
акс эттиради. 
Моделдан олинган натижалар 
Ушбу модел натижаларига кўра, танлаб олинган ўзгарувчилар ҳамда 
инфляция ўртасида ўрта муддатли статистик боғлиқликлар мавжудлиги 
аниқланди.

---

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2021 ЙИЛ ВА 2022-2023 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
99
 
Бунда, муддати 1 чоракдан 4 чораккача бўлган даврда инфляция 
даражаси кўпроқ пул массаси ва ишлаб чиқарувчилар нархлари индексига 
сезувчанлиги аниқланди. 
Таклиф омиллари.
Ишлаб чиқарувчилар нархлари индексининг 
1 фоиз бандга кўтарилиши ўрта муддатли даврда базавий инфляциянинг