Масъул муҳаррир

10
BOSHLANG‘ICH SINF MATEMATIKA DARSLARIDA QO‘LLANILADIGAN 
TA’LIMIY O‘YINLAR
Yusupov Shavkatjon Egamberdiyevich, 
Namangan viloyati, Namangan tumani 
30-maktabning boshlang‘ich sinf o‘qituvchisi, mutaxasisis.
Tel: [phone]
Annotatsiya: Boshlang‘ich sinflarda didaktik o‘yinlardan foydalanish maxsus pedagogik 
texnologiyani talab etadi. Texnologik yondashuv asosida darsni tashkil etish o‘qituvchidan 
ta’limiy-tarbiyaviy maqsadlarni oldindan aniq belgilab olish, uning loyihasini tuzish va jarayonni 
kafolatli tashkil etishni talab etadi.
Kalit so‘zlar: matematika, boshlang‘ich sinf,bilim, ko‘nikma, malaka, o‘yin
Davlatimiz tomonidan ta’lim sohasiga, o‘quvchilarning intellektual salohiyati, mustaqil va 
ijodiy fikrlash qobiliyatlari, tafakkurini rivojlantirish, egallagan bilimlarini amaliyotda qo‘llay 
olishlari, amaliy ko‘nikma va malakalarini hosil etishga katta e’tibor berilmoqda. Ushbu 
vazifalarni amalga oshirish uchun o‘quv-tarbiya jarayonining barcha imkoniyatlari, pedagogik 
texnologiya va axborot texnologiyalari, didaktik vosita va usullaridan samarali foydalanish 
zarurati davlat ta’lim siyosatida muhim o‘rin tutadi. Yosh avlodni xozirgi zamon fani asoslari 
bilan qurollantirish orqali ularning aqliy jihatdan maksimal darajada rivojlanishlariga erishish 
umumta’lim maktablari oldida turgan eng muhim vazifalardan biridir. 
Matematika bolalarda tafakkur, diqqat, xotira, ijodiy tasavvur etish, kuzatuvchanlikni 
rivojlantirishga imkon beradi. Shuningdek, matematika o‘quvchilarning mantiqiy fikrlash 
malakalarini oshirishi, ularning o‘z fikrlarini aniq, to‘g‘ri va tushunarli bayon etishi uchun zamin 
hozirlaydi. O‘qituvchining vazifasi – bolalarga matematikani o‘qitish imkoniyatini oshirishdan 
iborat. Boshlang‘ich ta’limning muhim masalalaridan biri o‘quvchilarda ongli va mustaqil 
mustahkam hisoblash (avtomatizm darajasiga yetgan) malakalarini shakllantirishdan iborat. 
Boshlang‘ich sinflarda matematik ta’lim o‘quvchilarning mantiqiy tafakkurlarini shakllantirishga, 
o‘z g‘oyalarini mustaqil ifodalay olishga, bilimlarni faoliyat jarayoniga tadbiq etish ko‘nikmalarini 
shakllantirishga qaratilgan. Boshlang‘ich sinfda matematika o‘qitishning mazmuniga arifmetika, 
algebra, geometrik materiallar, tekstli masalalar, miqdorlar va ularni o‘lchashlar kiritilgan. 
Boshlang‘ich sinf matematika darslari uchun juda ko‘plab didaktik o‘yinlar yaratilgan.