Avtomobil indd

Xurushlash 
– qattiq materiallar sirtiga kimyoviy usul bilan 
ishlov bermoq, pardozlamoq. 
Yeyilish
– buyumlar sirt qatlamlarining ishqalanish vaqti-
da yemirilishi (edirilishi) natijasida ular o‘lchamlari, shakllari, 
massalari yoki sirtqi holatining o‘zgarishi. 
Yeyilishga chidamlilik
– materiallar, mashina detallari va 
boshqa ishqalanuvchi buyumlarning yeyilishga qarshiligi. Yeyil-
ishga chidamlilik materiallar, buyumlarning ekspluatatsiya qilish 
vaqtida oldindan belgilangan yoki chegaraviy yeyilish muddati-
gacha ishlashi davomiyligi bo‘yicha aniqlanadi. Moylash, surkov 
materiallarining xossalarini yaxshilash, abraziv ta’sirdan himoya 
qilish yeyilishga chidamlilikni oshirishga imkon beradi. 
Yelimlar
– turli materiallarni biriktirish uchun ishlatiladigan 
tabiiy yoki sintetik moddalar. Yelim pardasi va yelimlanadigan 
materiallarning sirtlari orasida adgezion bog‘lanish hosil qiladi. 
Turli qovushoqlikka ega bo‘lgan suyuqlik (suyuq monomerlar, 
eritmalar, suspenziyalar, emulsiyalar) yoki ishlatishdan oldin er-
itiladigan yoxud qizigan sirtga surtiladigan pardalar, kukunlar, 
chiviqlar tarzida ishlab chiqariladi. 
Yoqilg‘i
– asosiy tarkibiy qismi ugleroddan iborat yonuvchi 
modda. Yoqilg‘i agregat holatiga ko‘ra qattiq, suyuq va gazsi-
mon; hosil bo‘lishiga ko‘ra tabiiy (tosh va qo‘ng‘ir ko‘mirlar, 
neft, gaz, yonuvchi slaneslar va boshqalar) va sun’iy (motor 
yonilg‘ilari, koks, generator gazlari va boshqalar) yoqilg‘ilarga 
bo‘linadi. 
Yog‘sizlantirish
– ishlov beriladigan metall sirtidan yog‘li 
chirklarni ketkazish. Yog‘sizlantirish uchun detallar ishqorli 
eritmalarda yuviladi va quritiladi. 
Zang
– suvda yoki havoda oksidlanish tufayli metallar sir-
tida hosil bo‘ladigan va uni yemiradigan qizil-qo‘ng‘ir g‘ovak 
qatlam, parda.