Abduramanov xamid xudaybergenovich arabov nurali uralovich xolmuxamedov muhsinjon murodullaevich

Tirikchilik minimumi
– insonning salomatligini saqlash va uning hayoti 
hamda faoliyatini saqlab turish uchun zarur bo‘lgan oziq-ovqat mahsulotlari eng 
kam to‘plamining qiymat bahosini, shuningdek, nooziq-ovqat tovarlari va 
xizmatlariga, soliqlarga va majburiy xizmatlarga harajatlarni, bu maqsadlarga 
aholining past daromadli guruhlari xarajatlari ulushidan kelib chiqqan holda 
ifodalaydi.
Turmush darajasi
– bu aholi farovonligi, ne’matlar va xizmatlar 
iste’molining darajasi, insonlarning asosiy hayotiy ehtiyojlarini qondirish 
me’yorini tavsiflovchi sharoitlar va ko‘rsatkichlar majmuidir. 
Turmush sifati
– shaxsning, uning faoliyat turlarini, ehtiyojlari tarkibini va 
ularni qondirish darajasini, insonning (aholi, ijtimoiy guruhlarning) jamiyatdagi 
turmush sharoitlarini va tabiat muhiti bilan uyg‘un munosabatlarini tavsiflovchi, 
turmushdan 
qanoatlanish 
hissini 
yaratuvchi 
hayotiy 
qadriyatlari 
majmui 
hisoblanadi. 
Turmush qiymati
– bu pul shaklida ifodalangan aholi (uning turli 
qatlamlari va guruhlari) tomonidan iste’mol qilinadigan me’yorlar yoki amalda 
iste’mol qilinishi zarur bo‘lgan moddiy ne’mat va xizmatlar miqdoridir. 
Uy xo‘jaligi
– bitta xonadonda yashaydigan, o‘zining barcha daromadlari va 
boyliklarini birlashtirgan, tovarlar hamda xizmatlar iste’moliga, asosan turarjoy va 

---

269 
oziq-ovqat mahsulotlariga sarf-harajatlarni birgalikda amalga oshiradigan shaxslar 
guruhidir. 
Farovonlik
– bu aholining hayot uchun zarur moddiy, ijtimoiy, madaniy va
ma’naviy boyliklar, ya’ni inson ehtiyojlarini qondiruvchi elementlar, xizmatlar va 
sharoitlar bilan ta’minlanganligidir. 
Foiz
– pul egasi o‘z pulini o‘zgalarga qarzga bergani uchun oladigan 
daromadi. Foiz darajasi kreditga bo‘lgan talabga va uning taklifiga bog‘liq bo‘ladi. 
Foyda
– ishbilarmonlik qobiliyatini ishga solib, xatarli ishga qo‘l urgani 
uchun tadbirkorlarga tegadigan mukofotdir. Foyda miqdori narxga nisbatan to‘g‘ri 
mutanosiblikda, xarajatlarga nisbatan teskari mutanosiblikda o‘zgaradi.