Toshkent moliya instituti hamdamov baxrom kasimovich ilxomov shavkat islomovich

Takrorlash uchun savollar: 
 
1.
Korxona ustav, qo‘shilgan va rezerv kapitali auditining 
maqsadi va vazifalari nimalardan iborat? 
2.
Ustav kapitalini shakllanishi qanday teshiriladi? 
3.
Ustav kapitali va ta’sis hujjatlarini qaysi hujjatlar orqali 
rasmiylashtiriladi? 
4.
Qo‘shilgan kapital tarkibini tekshirish qanday amalga 
oshiriladi? 
5.
Zaxira kapitali nima, u qanday shakllanadi va tekshiriladi?

---

194 
11-MAVZU. MOLIYAVIY NATIJALAR AUDITI 
USLUBIYOTINING MUAMMOLARI 
 
11.1. Moliyaviy hisobot auditining maqsadi va ma’lumot manbalari 
Moliyaviy hisobot auditining maqsadi moliyaviy hisobot 
ma’lumotlarining to‘liqligi va ishonchliligini, ular amaldagi 
qonunchilikka muvofiqligini tekshirishdan iborat. 
Auditorlik tekshiruvi o‘tkazishning asosiy manbalari bo‘lib 
quyidagilar hisoblanadi (11.1-jadval): 
11.1-jadval 
Auditning me’yoriy-huquqiy asoslari 
 
№ 
Me’yoriy hujjatlar 
1.
O‘zbekiston Respublikasi «Buxgalteriya hisobi to‘g‘risida»gi qonuni. 1996- 
yil 30 -avgustda qabul qilingan 
2.
O‘zbekiston Respublikasi «Auditorlik faoliyati to‘g‘risida»gi qonuni (yangi 
tahrirda). 2000-yil 26-mayda qabul qilingan 
3.
21-son «Xo‘jalik yurituvchi subyektlar moliyaviy-Xo‘jalik faoliyatining 
buxgalteriya hisobi schyotlar rejasi va uni qo‘llash haqida yo‘riqnoma» nomli 
BHMS. 2002-yil 9-sentabrda 103-son bilan O‘z. R. Moliya vazirligi 
tomonidan tasdiqlangan va 2002-yil 23-oktabrda 1181-son bilan Adliya 
vazirligi tomonidan ro‘yxatga olingan 
4.
O‘z.R. Vazirlar Mahkamasining 1999-yil 5-fevraldagi 54-sonli qarori bilan 
tasdiqlangan «Mahsulot (ishlar, xizmatlar)ni ishlab chiqarish va sotish 
bo‘yicha xarajatlar tarkibi hamda moliyaviy natijalarni shakllantirish tartibi 
haqidagi Nizom» 
5.
Moliyaviy hisobotni tayyorlash va taqdim etish bo‘yicha kontseptual asos 
6.
1-son «Hisob siyosati va moliyaviy hisobot» nomli BHMS 
7.
3-son «Moliyaviy natijalar to‘g‘risida hisobot» nomli BHMS 
8.
3-son «Auditni rejalashtirish» nomli AMS 
9.
10-son «Moliyaviy hisobotdagi boshqa ma’lumotlar» nomli AFMS 
10.
70-son «Moliyaviy hisobot to‘g‘risida auditorlik hisoboti va auditorlik 
xulosasi» nomli AFMS 
11.
«Moliyaviy hisobot shakllarini to‘ldirish qoidalari» O‘zbekiston Respublikasi 
Moliya vazirligining 2002-yil 27-dekabrdagi 140-sonli buyrug‘i bilan 
tasdiqlangan 
Auditor (lar) O‘zbekiston Respublikasi moliya vazirligining 2002-
yil 27-dekabrdagi 140-son buyrug‘i bilan tasdiqlangan «Moliyaviy 
hisobot shakllarini to‘ldirish bo‘yicha qoida» ga muvofiq moliyaviy 
hisobotni mulkchilikning barcha shakllariga mansub, O‘zbekiston 

---

195 
Respublikasining qonun hujjatlariga ko‘ra yuridik shaxs hisoblangan 
korxona va tashkilotlar (bundan sug‘urta tashkilotlari va banklar 
mustasno), shuningdek mulkida, Xo‘jalik yuritishida yoki tezkor 
boshqaruvida mol-mulki bo‘lgan va o‘z majburiyatlari bo‘yicha ushbu 
mol-mulk bilan javob beradigan, shuningdek mustaqil balans va hisob-
kitob raqamiga ega bo‘lgan, soliq qonunchiligiga muvofiq soliq 
to‘lovchi hisoblanadigan alohida bo‘linmalar taqdim etish kerakligini 
bilishi kerak. 
Moliyaviy hisobot auditini amalga oshirishda quyidagi dastlabki 
hujjat va hisob registrlari ma’lumotlaridan foydalaniladi: 
11.2-jadval