Олий ва ўрта махсус таълим вазирлиги ўзбекистон журналистика ва оммавий коммуникациялар университети

 
 

---

98 
Аудиторияда бажариш учун вазифа
Икки гуруҳга бўлиниб, ўзига хос ижодий жамоалар тузинг. Ҳар бир жамоа 
алоҳида муҳарририят бўлсин. Муҳарририятда фото устаси, мақола ёзувчи, 
диктофонга радио учун интервью олувчи, оператор ва ТВ журналисти каби 
ижодкорлар бўлиши керак. Мавзу танлаш, таҳрир қилиш ва барча 
жараёнларни бошқарувчи модераторни ҳам тайинлаш керак. Исталган бирон 
воқеани саҳналаштириб, бу жараёндан аудио, видео, фото репортаж тайёрланг, 
мақола ёзинг.
Мустақил бажариш учун вазифа
Журналистика соҳасидаги янги инновациялар ҳақида маълумотлар топинг. 
Замонавий инновациялар қўллайдиган ОАВ лар ҳақида тақдимот тайёрланг. 
Замонавий инновацияларнинг амалиётга жорий этилишида қадриятлар 
ҳисобга олинишига эътибор беринг. Журналистика соҳасида миллий 
менталитетга зид келувчи янгиликларга мисол изланг.
Таянч атамалар 
инновация, журналистика соҳасида инновация, янгиликларнинг амалиётга 
тадбиқи.
Мавзу доирасида тавсия этиладиган адабиётлар 
Иориш Ю.И. Некоторые психологические основания технологии научного 
творчества // Интеллект и креативность в ситуациях межличностного 
взаимодействия: Сб. науч. тр. / РАН. Ин-т психологии; Ред.-сост. А.Н. 
Воронин. - М., 2001. 

---

99 
2.5.Амалий фаолиятга ижодий ёндашув 
Режа
1. Янги лойиҳа қилиш 
2. Янги лойиҳа ишланмаси 
3. Лойиҳалаш пайтида вазифани аниқлаштириш 
 
Янги лойиҳа қилиш. 
Ҳар қандай ишни(янгиликни) бошлашдан аввал лойиҳа 
қилиш зарур. Лойиҳалаш – амалиётга янгилик олиб кириш билан узвий боғлиқ 
бўлиб, унда албатта ижодий(креатив) ёндашув талаб этилади. Лойиҳа омадли 
чиқиши учун масалага ҳар томонлама, турли ракурсларни ҳисобга олиб 
тайёргарлик кўриш керак. Янги лойиҳани устида изланаётганда оддий 
муаммоларни ўзгача усулда ҳал қилишга эътиборни қаратиш керак. Янгича, 
ноанъанавий усулда масала ҳал қилинишида анъанавий усулларга нисбатан 
фойдалироқ, қулайроқ, тежамкор каби хусусиятлар кўзда тутилади. Масалан, 
одатда ҳосилни йиғиб олиш қўл меҳнатидан фойдаланилади. Олмани териб 
олишни бирон ускуна ёрдамида амалга оширса чи? Янги ускуна оддий 
жисмоний меҳнатдан қулайроқ ва фойдалироқ бўлса-чи?