Samarqand davlat tibbiyot instituti. Mavlyanov f. Sh., MAVLYANOV Sh. X., Xayitov u. X. Tibbiyot kasbiga kirish

 
Vrach majburiyatlari : 
-
Kasbiy fe’l – atvori doimo oliy mezonlarga mos kelishi; 

---

14 
-
O’zining kasb majburiyatlarini ijro etishda manfaatdorlikni o’ylamaslik; 
-
Yangi kashfiyotlar va davolashning yangi texnologiyalarini bayon etishda 
ehtiyotkor bo’lish; 
-
Inson hayotini saqlash – vrachning majburiyati ekanligini doimo yodda tutish; 
-
Bemorga nisbatan to’liq xolis va boadab munosabatda bo’lib, o’zining
barcha bilimlarini unga yordam berish uchun qo’llash; 
-
Boshqa mutaxassislar shoshilinch yordam berishiga amin bo’lmasa, bunday 
yordamni o’zi amalga oshirishga majbur; 
-
Bemorni tekshirish yoki davolash tadbirlari o’zining kasb imkoniyatlari
doirasida bo’lmasa, vrach zarur bo’lgan malakali mutaxassislarga murojaat 
etishi shart. 
T i b b i y o t d e o n t o l o g i y a s i - (yun. deontos-majburiyat + logos-
ta’limot) tibbiyot xodimi o’ z kasbiy majburiyatlarini ijro etayotganida rioya 
etishi shart bo’lgan etik mezonlar hamda sog’lom yoki bemor odam murojaat
etganida o’zini tutish, psixologik muloqot qoidalari tizimi. Tibbiyot deontologiyasi 
tibbiyot etikasining tarkibiy qismidir. Amaliy jihatdan tibbiyot deontologiyasi 
muayyan sohalarga bog’langan o’z xususiyatlariga ega. Ya’ni: xirurg, akusher-
ginekolog, pediatr, terapevt va boshqalar deontologiyasi. Tibbiyot xodimlari 
tomonidan deontologiya prinsiplarini to’g’ri bajarilishi samarali faoliyatning 
omilidir. Ushbu prinsiplar quyidagi munosabatlarga taalluqlidir: vrach va bemor, 
vrach va bemor qarindoshlari, vrach va hamkasblari, vrach va tibbiyot hamshirasi, 
vrach va jamiyat, shu bilan bir qatorda vrachlik siri, tibbiy hujjatlar deontologiyasi, 
ilmiy tadqiqotlar va yangi ilmiy ma’lumotlarni joriy etish, tibbiy xatolar tahlili, 
tibbiy muassasa faoliyatining tahlili deontologiyalari. Shifoxonada davolanayotgan
bemor bola tibbiyot xodimlarining do’stona va xush muomala munosabatini
ko’rishi, uni dardidan forig’ qilish uchun barcha choralarni ko’rishga doim tayyor 
ekanliklariga ishonch hosil qilishi kerak. Bemorga yumshoq munosabatni saqlagan 
holda, tayinlangan tibbiy muolajalarni to’liq bajarilishini, bola o’rnatilgan tartibga 
rioya etishini ta’minlash zarur. Har bir tibbiy xodim doim shifoxonadagi
bemorlarning diqqat markazida ekanliklarini unutmasligi kerak. Bemor bilan to’g’ri
muomalada bo’lish ko’nikmalarini o’zlashtirish uchun maxsus tayyorgarlik, tajriba, 
bemor ruhiyatini o’rganish, shaxsiy madaniyat va odob yuqori darajada bo’lishi
talab qilinadi. Bemor bolalarning ota-onalari bilan muloqot xirurgiya bo’limi
hamshiralaridan alohida e’tibor va ehtiyotkorlikni talab qiladi. Xavotirli va 
hayajonli holatda ota – onalar tibbiy hamshiradan operatsiya qanday o’tganligi, 
tahlillar natijasi, operatsiyadan keyingi asoratlar to’g’risida ma’lumot olishga
urinadilar, bunday ma’lumotlarni faqat davolovchi vrach berishi mumkinligi
tushintirib beriladi. 

---

15