Халқ таълими тизимидаги умумий ўрта таълим мактабларини жиҳозлаш буйича тавсиялар кириш

2. УМУМИЙ ЎРТА ТАЪЛИМ МАКТАБИ ҲУДУДИ ВА ОЛД 
ФАСАДИНИНГ БЕЗАТИЛИШИ 
2.1. Мактабнинг ҳудудига ажратилган ер майдони темир панжара 
ёки девор билан ўралган бўлади. 
2.2. Мактаб ҳудудига кираверишда асосий дарвоза устунига 
(дарвоза эни бўйича) қуйидаги тартиб билан мактаб пештахтаси 
ўрнатилади: (лотин ёзувига асосланган ўзбек алифбосида) 
Davlat gerbi 
O“zbekiston Respublikasi Xalg ta“limi vazirligi 
Toshkent shahar Yakkasaroy tumani 
144-sonli umumiy o“rta ta“lim maktabi 
Ушбу паннонинг орқа томонига ўқувчилар учун таълим-тарбияга 
оид чақирув шиори ёзилиши мақсадга мувофиқ. 
Bilim ol, o‘rgan, izlan! 
2.3. Мактаб ҳудудида (мактаб биносига олиб борувчи йўлакнинг 
ўнг ва чап томонида) таълим-тарбияга оид чақирув шиорлари ёки 
буюк алломаларнинг фотосуратлари ўрнатилиши мумкин. 

---

2.4. Мактаб ҳудудининг катта ҳажмдаги схематик кўриниши панно 
шаклида ўрнатилади. (Паннода мактаб биноси, ободонлаштириш 
бўйича синфлар кесимида ҳудудни ажратилганлиги акс этади) 
2.5. Мактаб худудидининг кўзга ташланадиган жойида ёки 
бинонинг чиройли кўринадиган деворига “Бахтли болалигимиз” номли 
катта ҳажмдаги (3х6 ўлчамда) панно ўрнатилади. 
2.6. Мактаб биносига кираверишининг чап томонида Давлат 
байроғини кўтариш учун флагшток ўрнатилади ҳамда “Эрталабки 
сафланиш” учун алоҳида текис жой ажратилиши лозим. 
2.7. Мактабнинг кириш эшигининг чап томонида мактаб 
пешлавҳаси (лотин ёзувига асосланган ўзбек алифбосида 60х80 
ўлчамда вывестка) осилади.
2.8. Мактабнинг олд қисмида “XUSH KELIBSIZ!” чақириғи бўлади. 
3. МАКТАБГА КИРИШ ФОЙЕСИНИНГ БЕЗАТИЛИШИ 
3.1. Фойенинг ўнг қисмида: Давлат рамзлари (Президент расми, 
давлат герби, давлат байроғи, давлат мадҳияси) ва Ўзбекистон 
Республикасининг харитаси (вилоятлар номи ифодаланган холда) 
стенд шаклида ўрнатилади. 
3.2. Фойенинг чап қисмида: “Таълим тўғрисида” қонун, 
“Мактабнинг устави”, “Мактабнинг ички тартиб ва қоидалари”, дарслар 
жадвали (1-4 синфлар ва 5-9 синфлар кесимида), фан ва қизиқишлари 
бўйича 
тўгараклар 
жадвали, 
дарсга 
кириш-чиқиш 
жадвали 
(қўнғироқлар жадвали), ўқувчиларнинг кийиниш тартиби намунаси 
каби стендлар бўлиши керак. 
3.3. Мактабнинг асосий кириш-чиқиш эшигининг тепасида катта 
осма соат бўлиши мақсадга мувофиқ.