Asosiy qoidalar

366-modda. Ayblanuvchi kasal bo‘lib qolganida dastlabki tergovni to‘xtatish
Sud-tibbiyot eksperti yoki psixiatr-ekspert ayblanuvchining kasalini jinoyat ishini yuritishda
uning ishtirok etishini istisno etadigan og‘ir va davomli, lekin davolab bo‘ladigan kasallik deb topsa,
ish bo‘yicha dastlabki tergov ayblanuvchi sog‘aygunga qadar to‘xtatiladi.
Bunday holda ayblanuvchiga nisbatan tanlangan ehtiyot chorasi tergovchi tomonidan ushbu
Kodeksning 
236 — 254-moddalarida 
nazarda tutilgan qoidalarga rioya qilingan holda saqlab
qolinishi, o‘zgartirilishi yoki bekor qilinishi mumkin.
367-modda. Jinoyat ishida ayblanuvchi tariqasida ishtirok etishga jalb qilinishi lozim
bo‘lgan shaxs aniqlanmagan hollarda dastlabki tergovni to‘xtatish
Barcha tergov harakatlari bajarib bo‘linganidan keyin ham jinoyat ishida ayblanuvchi
tariqasida ishtirok etishga jalb qilinishi lozim bo‘lgan shaxs aniqlanmasa, ish yuritishni to‘xtatish
mumkin.
Oldingi
 tahrirga qarang.
Bunday hollarda tergovchi tezkor-qidiruv faoliyatini amalga oshiruvchi organ orqali
ayblanuvchi tariqasida ishda ishtirok etishga jalb qilinishi lozim bo‘lgan shaxsni aniqlash va uni
javobgarlikka tortish choralarini ko‘rishi shart.
(367-moddaning ikkinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Ayblanuvchi tariqasida ishda ishtirok etishga jalb qilinishi lozim bo‘lgan shaxs
aniqlanmaganligi sababli to‘xtatilgan ish Jinoyat kodeksining
64-moddasida 
belgilangan
javobgarlikka tortish muddati o‘tib ketgach, tugatilishi lozim.
368-modda. Ayblanuvchi O‘zbekiston Respublikasi hududidan chiqib ketgan taqdirda
dastlabki tergovni to‘xtatish
Ayblanuvchining O‘zbekiston Respublikasi hududidan chiqib ketganligi aniqlangan bo‘lsa va
bu hol dastlabki tergov harakatlarida uning hozir bo‘lishini ta’minlash imkonini bermasa, barcha
tergov harakatlari bajarilganidan keyin ish bo‘yicha dastlabki tergovni o‘tkazish to‘xtatiladi.