“sanoat va xizmat ko'rsatish sohalarining raqamli transforma t siyasi: tendensiyalar, boshqaruv, strategiyalar” Xalqaro ilmiy-amaliy anjuman

“SANOAT VA XIZMAT KO‘RSATISH SOHALARINING RAQAMLI TRANSFORMATSIYASI: 
TENDENSIYALAR, BOSHQARUV, STRATEGIYALAR”
211
Маркетологлар интернет дўконини жозибадор ва қулайроқ қилиш учун сайт 
интерфейси устида тадқиқотлар олиб бориб суғурта маҳсулотлари учун алоҳида сурат ва 
расмлар тайёрланди, ҳар бир хизмат учун тушунарли маълумотлар жойлаштирилди, полис 
нархини ҳисоблашга ёрдам берувчи калькулятор оптималлаштирилди. 
Веб-сайтга ташриф буюрувчилар динамикаси бўйича 2020-йилда компания 
insurance.uz интернет дўконига 131375 нафар фойдаланувчи интернетга ташриф буюриб, 
2019-йилда бу кўрсаткич 52536га тенг бўлган, ўсиш 250 фоизни ташкил қилди. 
Компания томонидан Андроид ва ИОС операцион тизимларида ишловчи 
смартфонлар учун ишлаб чиқилган Uzbekinvest мобил иловаси орқали нафақат суғурта 
хизматларини харид қилиш, балки, суғурта ҳодисаси ҳақида хабар бериш, полисларни 
амал қилиш муддатини узайтириш, шахсий кабинет орқали полисларни бошқариш каби 
функциялар мавжуд. Бугунги кунда Uzbekinvest мобил иловасида 20 мингга яқин 
смартфон эгалари фойдаланишмоқда.
Ўтган йили давомида интернет-дўкон орқали 13 083 та суғурта полислари онлайн 
расмийлаштирилди, келиб тушган суғурта мукофотлари ҳажми 1,3 млрд. сўмдан ортиқ 
бўлди. Бундай юқори натижаларга эришишга юқорида кўрсатилган чора-тадбирларни 
амалга оширилиши сабаб бўлди. 
Суғурта агентлар фаолиятини ривожлантириш ва рақамлаштириш доирасида 
Uzbekinvest компанияси ҳужжатларини автоматик равишда сканерлаш, полисларни 
расмийлаштириш, чоп этиш, шунингдек агентнинг мобил қурилмасидан ҳужжатларни 
шакллантириш каби функцияларга эга замонавий мобил иловаси ишлаб чиқилди.
Uzbekinvest компаниясининг информацион технологиялар соҳасидаги яқин 
келажакдаги мақсади ва вазифалари мижозларга кўрсатиладиган сервис сифатини янада 
ривожлантириш ва такомиллаштиришга, сотиш каналларини кўпайтиришга ва тез 
ўзгарувчан бозорда рақобатдошликни таъминлашга қаратилган.