Suv resurslarini havzaviy rejalashtirish va boshqarish

80
Salohiddinov A.T., Ashirova O.A.
Havzaviy kengashning birinchi majlisiga tayyorgarlik
Tashabbuskor guruh o‘z vazifalarini bajarib bo‘lgach, havza
-
viy kengashning birinchi majlisiga tayyorgarlik ishlari boshla
-
nadi. Buning uchun mazmunida quyidagilar ifodalangan tegishli 
taklifnoma xati tayyorlanadi:
- tashabbuskor guruh tomonidan olib borilgan tayyorgarlik 
ishlarining natijalari bo‘yicha qisqacha ma’lumot;
- havzaviy kengashning birinchi majlisi, uning dastlabki kun 
tartibidagi asosiy masalalar va o‘tkazilishi joyi to‘g‘risidagi 
ma’lumot;
- havzaviy kengash Nizomi, reglamenti va ish rejasi loyihalari, 
mazkur hujjatlar bo‘yicha ehtimoliy e’tiroz, taklif va qo‘shimcha
-
larni qabul qilish bo‘yicha mas’ul shaxsni ko‘rsatgan holda mu
-
hokamaga taqdim etish;
- agar avvalroq olinmagan bo‘lsa, havzaviy kengash majlisida 
ishtirok etishni tasdiqlash to‘g‘risidagi takroriy so‘rovnoma;
- havzaviy kengash tarkibida qaysi mansabdor shaxs taklif 
etilgan tashkilot nomidan ishtirok eta olishi to‘g‘risidagi eslatma.
Tayyorlangan rasmiy xat havzaviy suv xo‘jaligi boshqarmasi 
boshlig‘i tomonidan imzolanadi va so‘ngra unga ilova qilingan 
hujjatlar (havzaviy kengashning Nizomi, reglamenti, ish reja
-
si, birinchi majlisi kun tartibi loyihalari hamda majlisga taklif 
etilganlar ro‘yxati) bilan birga tashabbuskor guruh tomonidan 
tayyorlangan tashkilotlar ro‘yxati bo‘yicha tarqatiladi. 
Odatda, havzaviy kengashning muhokamaga taqdim etilgan 
hujjatlari bo‘yicha barcha taklif va mulohazalarni qayta ishlash 

---

81
SUV RESURSLARINI HAVZAVIY REJALASHTIRISH VA BOSHQARISH
uchun imkoniyat yaratish maqsadida taklifnomalar birinchi 
majlis o‘tkazilishi rejalashtirilgan sanadan kamida bir oy oldin 
tarqatilishi lozim. Katta miqdorda tushgan hamda tayyorlangan 
hujjatlarga sezilarli o‘zgartirishlar kiritish zarur bo‘lgan hollar
-
da ularni havzaviy kengash tuzish bo‘yicha tashabbuskor guruh 
doirasida amalga oshirish tavsiya etiladi. Havzaviy kengash
-
ning birinchi majlisiga kun tartibi hamda kengashning bo‘lg‘usi 
a’zolaridan tushgan takliflar asosida qayta ishlangan Nizom, 
reglament va ish rejasi loyihasi taqdim etilishi lozim.