Sh. Yuldasheva, D. Kabulova, M. Sobirova

Sifatli dars
— bu o‘quvchilar tomonidan samarali o‘zlashtirilgan dars.
Dars boshlangandan keyin hech kimning ushbu jarayonga xalaqit
berishiga yo‘l qo‘yilmaydi.
Darsning tahlili quyidagi turlarga bo‘linadi:
1. Ilmiy tahlil. 2. Psixologik tahlil. 3.Metodik tahlil. 4. Didaktik tahlil.
5. Umumpedagogik tahlil va boshqa tahlillar (yoki bularning hammasini
qamrab oladigan kompleks tahlil).
O‘qituvchilarning darslarini tizimli tahlil qilish amaliyotining joriy
etilishi o‘qituvchilarga amaliy-metodik tavsiyalar bergan holda darslarning
samaradorligi oshishiga yordam beradi.
Topshiriq
:
1. Siz pedagogik amaliyotni qanday tasavvur qilasiz?
2. Maktab amaliyoti bilan bog‘liq taassurotlaringizni o‘rtoqlashing.
3. Oliy ta’limda sizning mutaxassisligingiz bo‘yicha qanday amaliyot turlari
o‘tkazilishini bilasizmi? Yuqori bosqich talabalari bilan shu haqda suhbatlashing.
BITIRUV MALAKAVIY ISHI
Bitiruv malakaviy ishi oliy ilm dargohida talabalar bajaradigan mustaqil
yozma ishlarning tuzilishi, mazmuni va maqsad-vazifalari jihatidan eng
murakkab, sermazmun va oliy darajadagi ilmiy-tadqiqot ish shakli
hisoblanadi. Malakali mutaxassislar tayyorlashda respublikamiz oliy ilm
dargohlarida uning to‘la kursini tamomlashda bajariladigan yakuniy topshiriq
o‘ziga xos ilmiy tadqiqot – bitiruv malakaviy ish sanaladi. Maqsad va
vazifalari jihatdan uning oliy ta’limda ahamiyati juda kattadir.
Mazkur tadqiqot nazorat va kurs ishlaridan o‘zining mazmuni, muam-
molarni qamrab olish darajasi, ilmiy tahlillarning chuqurligi, miqyosining
kengligi, o‘rganilayotgan mavzuning dolzarbligi bilan ajralib turadi. Bitiruv
ishlarida muayyan yoki masalalar bo‘yicha mavjud bilimlarni umum-
lashtirishning o‘zi kifoya qilmaydi. Ularni ma’lum darajada rivojlantirish
maqsad qilib qo‘yiladi. Shu sababli u mustaqil tayyorlangan ilmiy-tadqiqot
hisoblanadi. Malakaviy-bitiruv ishlari qobiliyatli, iste’dodli, iqtidorli tala-
balarni yuzaga chiqaradi, ularni aspiranturaga tayyorlashga yordam beradi.

---

149
148