Loyiha matni 49901-(61999)

project.gov.uz
06.06.2022
32
qonunchilikda belgilangan hollarda yoʻl qoʻyiladi.
77-modda. Qishloq xoʻjaligi sohasidagi tadbirkorlik subyektlarining huquq va
majburiyatlari
Qishloq xoʻjaligi sohasidagi tadbirkorlik subyektlari ushbu Kodeksning 30-moddasida nazarda
tutilgan tadbirkorlik subyektlarining huquqlaridan tashqari quyidagi huquqlarga ega:
yer uchastkasi ixtisoslashuvga qishloq xoʻjaligi ishlab chiqarishini tashkil etish;
yer uchastkasini yuridik va jismoniy shaxslarga ikkilamchi ijaraga berish;
ixtisoslashuvni hisobga olgan holda qishloq xoʻjalik ekinlarini joylashtirish;
kreditlar olish uchun oʻz mol-mulkini, shuningdek yer uchastkasini ijaraga olish huquqini,
shuningdek kelgusida olinadigan hosilni garovga qoʻyish.
Qishloq xoʻjaligi sohasidagi tadbirkorlik subyektlari qonunchilikka muvofiq boshqa huquqlarga
ham ega boʻlishi mumkin.
Qishloq xoʻjaligi sohasidagi tadbirkorlik subyektlari ushbu Kodeksning 31-moddasida nazarda
tutilgan tadbirkorlik subyektlarining majburiyatlaridan tashqari:
yer uchastkasidan qonunchilikda va ijaraga olish shartnomasida koʻrsatilgan shartlar asosida,
belgilangan maqsadda, samarali va oqilona foydalanilishini taʼminlashi;
yer uchastkasining meliorativ holatini yaxshilash, uning unumdorligini saqlab qolish va oshirish
choralarini koʻrishi, biznes-rejada shu maqsad uchun mablagʻlar ajratilishini nazarda tutishi;
agar ijaraga olish shartnomasida boshqa muddat belgilangan boʻlmasa, yer uchastkasi berilgan
vaqtdan eʼtiboran bir yil ichida undan foydalanishga kirishishi;
qishloq xoʻjaligi mahsuloti yetishtirishda agrotexnika talablariga rioya etishi;
qishloq xoʻjaligi oʻsimliklarining zararkunandalar, kasalliklar va begona oʻtlardan muhofaza
qilinishini taʼminlashi shart.
Qishloq xoʻjaligi sohasidagi tadbirkorlik subyektlari zimmasiga qonunchilikka muvofiq boshqa
majburiyatlar ham yuklatilishi mumkin.