|
2.2. Расмий ва норасмий нормалар ва уларнинг шаклланиши
Институционализм асосчиларидан бири Д.Норт [46] институтлар
таркибида уларни уч асосий қисмга ажратади:
- расмий қоидалар (конституциялар, қонунлар, суд қарорлари, маъмурий
ҳужжатлар ва б.);
- норасмий нормалар (анъаналар, урф-одатлар, ижтимоий шартлилик);
- қоидаларга амал қилинишини таъминловчи (судлар, полиция ва ҳ.к.)
мажбурлаш механизмлари (масалан, жазолаш тизими).
“Институт”нинг юқорида келтирилган таърифи (2.1)дан келиб чиқиб,
институтлар инсон томонидан онгли равишда яратилган турли ҳужжатлар
(конституциялар, қонунлар ва ҳ.к.) кўринишидаги расмий, “ёзилган”
қоидаларда ифодаланиши мумкин. Шу билан бирга улар умумий қабул
қилинган шартлилик, хатти-ҳаракат кодекслари, яъни норасмий, “ёзилмаган”
нормаларда намоён бўладиган, жамиятнинг барча соҳаларига кириб бориб,
анъаналар, урф-одатлар кўринишида ёки бошқа шаклда амал қилинадиган
инсон онгининг маҳсулини ўзида намоён этиши мумкин.
Агар расмий қоидалар тизими инсонлар (давлат)нинг қонун ижодкорлиги
фаолиятини ўзида акс эттирса, у ҳолда норасмий нормалар тизими қай тарзда
шаклланади, деган савол туғилади.
Т.Веблен [32]нинг концепциясига кўра, институтларнинг ўзгариши
табиий танлаб олиш қонунига мувофиқ равишда кечади. Инсоннинг
жамиятдаги ҳаёти, худди бошқа турдаги ҳаёт каби – бу яшаш учун курашиш ва,
ўз навбатида, танлаб олиш ва мослашиш. Унинг фикрича, ижтимоий тузум
эволюцияси ижтимоий институтларни табиий танлаб олиш жараёни бўлди.
28
2.1-жадвал
Бозор иштирокчиларининг ўзаро келишувлар бўйича хатти-ҳаракатлари нормаси*
Келишувлар
хили
Хатти-ҳаракатнинг асосий нормаси
Келишув
предмети
Ахборот
манбаи
Вақт (ҳозир, ўтмиш
ва келажак)
Фаолият соҳаси
(мисол)
Бозор
Саноатга хос
Бошқа шахслар эҳтиёжларини қон-
дириш орқали фойдалиликни ошириш
Товар ва пул
Нарх
Ҳозирги вақтни
назарда тутиш
Классик бозор
Индустриал
Ишлаб
чиқариш
узлуксизлиги,
ҳамкорликни технология талабларига
бўйсундириш орқали таъминлайди
Технологик
жиҳозлар
Стандартлар Битимлар келгусини
ҳозирги даврга акс
эттириш
Ҳарбий саноат
мажмуи
Анъанавий
Анъаналарнинг
такрорланишини
таъминлайди; катталик тамойили
Ўтмишга хос
бўлган буюмлар
Одатлар,
анъаналар
Битимлар ўтган
даврни акс эттириш
ҳисобланади
Оила
Фуқаролик
Жамоавий манфаатларга бўйсуниш,
мўлжал - Парето оптимум
Ижтимоий
бойлик
қонун
Ҳозирги даврни
назарда тутиш
Сиёсий ҳаёт
Ижтимоий
фикр
Машҳурликка
эришиш,
жамоат
эътиборини жалб этиш
Нуфузли
буюмлар
Дув-дувлар
Ҳозирги даврни
назарда тутиш
Оммавий
ахборот
воситалари
Ижодий
фаолият
Ўхшаши
йўқ,
бетакрор
натижага
эришиш
Ихтиро
Иқтидор
Дискрет вақт
Ижодий фаолият
Экологик
Табиат билан уйғунлашув, экология
талабларига бўйсундириш
Табиат
объектлари
Атроф
–
муҳит
ҳақидаги
ахборот
Вақтнинг
даврийлиги: табиий
даврийлик
Табиат
муҳофазаси
* Манба: Олейник А. Норма как базовый элемент институтов / Вопросы экономики. – М.: 1999, №2, с.142.
29
Институтлар – инсон жамияти ва инсон табиатининг ривожланишда
давом этиши ва шу нуқтаи назарда эришилган тараққиётни умумий кўринишда
энг кўп мослашган тафаккур тарзини табиий равишда танлаш ва индивидларни
жамият ривожланиши билан изчил ўзгариб турадиган янги шароитларга
мажбурий мослаштириш жараёни, дейиш мумкин. Шундай қилиб,
Т.Вебленнинг талқинида ижтимоий-иқтисодий ривожланиш (“ижтимоий тузум
эволюцияси”) турли хилдаги институтларни “табиий танлаш” жараёнини
амалга ошириш сифатида намоён бўлади.
Т.Вебленнинг нуқтаи назари Ф.Хайек
6
нинг қарашларига яқин. Хайекнинг
фикрича, жамиятда қарор топган ахлоқ қоидалари ва нормаларини танлашни
биологик танловга қиёслаш мумкин. Унинг фикрича, расмий қоидалар билан
бир қаторда (анъаналар ва урф-одатлар кўринишида) норасмий нормаларнинг
мавжуд бўлиши шу билан шартланганки, “танлаб олиш жараёнида, шаклланган
урф-одатлар ва ахлоқда ҳақиқий ҳолатлар сони ҳисобга олиниши мумкин –
индивидлар қабул қилиши мумкин бўлган нарсалардан кўпроқ; бунинг
оқибатида, анъана маълум жиҳатларда инсон онгидан устун туради”. Жамият
қанчалик кўп хилма-хилликка йўл қўйса, ижтимоий мақсадга мувофиқ
институтларни танлаб олиш шунчалик самарали кечади.
Юқорида келтирилган фикрлардан келиб чиқадики, агар расмий қоидалар
сунъий тарзда ўйлаб топилиши ва мажбуран жорий этилиши мумкин бўлса,
Ф.Хайекнинг таъкидлашича, норасмий нормалар “маълум ўтмишдаги воқеалар
билан белгиланади, лекин бирор-бир тузилма ёки модел (институционал
матрица)нинг онгсиз тарзда ўзини–ўзи ташкил этиши жараёнининг таркибий
қисми сифатида шаклланади”
7
. Бошқача айтганда, норасмий институтлар –
шартлилик, ўзини–ўзи қўллаб-қувватловчи, учинчи томон (давлат)нинг
аралашувисиз, ўз–ўзидан бажариладиган қоидалардир.
Таъкидлаш лозимки, “эволюция” атамасидан фойдаланилса-да, табиий
танлов назарияси изчил институционал ўзгаришларга нисбатан ҳамма вақт ҳам
қўлланилмайди. Чунки энг “яхши” институт ҳамма вақт ҳам яшовчан бўлмайди.
Иккинчи томондан, институтларнинг бир ҳолатдан иккинчи ҳолатга доимий
равишда ўтиши ҳамма вақт ҳам ташқи омиллар таъсири остида кечмайди. Баъзи
институтлар норматив тарзда мустаҳкамланиб, норасмий турдан расмий
институтларга айланади, бошқалари эса, расмий институтлар сифатидаги
аввалги аҳамиятини йўқотиб ва ҳуқуқий тизимдан чиқарилган ҳолда норасмий
кўринишга эга бўлиши мумкин.
Амалиётга кўра, кўп ҳолатларда норасмий нормалар жамиятда
“тартибни” таъминлашда расмий қоидаларга нисбатан ғоят катта роль ўйнайди.
Бунга қатор омиллар хизмат қилади:
1. Ҳар қандай жамиятда фаолиятнинг алоҳида соҳалари расмий қоидалар
мавжуд бўлмаганда фақат норасмий нормалар билан тартибга солинадиган
вазиятни кузатиш мумкин. Хўжалик юритишнинг жамоа шакли пайдо бўлиши
даврида уруғдошлик ва улар аъзолари ўртасидаги муносабатлар ёки мафия
6
Хайек Ф.А. Пагубная самонадеянность. Ошибка социализма. – М.: Новости, 1992, с.133.
7
Хайек Ф.А. Пагубная самонадеянность. Ошибка социализма. – М.: Новости, 1992, с. 20.
30
(криминал) гуруҳлар ўртасидаги муносабатлар, Ўзбекистонда маҳаллада
яшовчи аҳоли орасида кенг тарқалган одатлар ва қоидалар бунга мисол бўлиб
хизмат қилади.
Қоидаларга зарурат ҳамма вақт, биттадан кўп субъект мавжуд бўлиб, улар
ўртасида баъзи муносабатлар юзага келган тақдирда, туғилади. Бунда
субъектларнинг турли гуруҳларидаги қоидалар бир хил бўлиши ҳам, ўзаро
яққол фарқ қилиши ҳам мумкин. Алоҳида оила ёки алоҳида жамоа доирасидаги
муносабатлар ана шундай қоидаларга энг оддий мисол бўлиб хизмат қилади.
Оила доирасидаги муносабатлар норасмийлигича қолади, жамоанинг
қариндошлар бўлмаган аъзолари ўртасидаги муносабатлар эса, аксарият
ҳолларда шартнома ёки бошқа ҳужжат кўринишида (фуқаролик кодексида
давлат доирасида) расмий тарзда мустаҳкамланди.
2. Норасмий нормалар жамиятда расмий қоидаларга нисбатан анча олдин
пайдо бўлиб, кўп жиҳатдан расмий, қонунчилик билан мустаҳкамланган
нормалар учун асос бўлиб хизмат қилди. Норасмий нормаларнинг расмий
қоидалар сифатида мустаҳкамланишига исталган мамлакатнинг тарихида
кўплаб мисолларни учратиш мумкин.
Do'stlaringiz bilan baham: |
