1 O‘zbekiston respublikasi oliy va o‘rta ta’lim vazirligi

Uchinchi bosqichda
virus 
tegib turgan hujayra membranasi parchalanadi. 
To‘rtinchi bosqichda
virus 
nukleoproteidi hujayra membranasida hosil bo‘lgan yoriqdan (bresh) 
sitoplazmaga o‘tadi. Aytib o‘tish joyiz bo‘lsa kerak, bu usulda virus o‘tganda
o‘lchami katta bo‘lgan uchuq virusi avval pinotsitoz bo‘lmasdan ham hujayraga 
o‘tadi. 
Beshinchi bosqichda
virus nukleoproteidini parchalanishi va DNK ni 
ozod bo‘lishi kuzatiladi. Bu jarayon kasallanmagan hujayradagi fermentlar 
yordamida amalga oshadi. 
Pikornaviruslar. 
RNK-tutuvchi viruslarni hujayraga kirishini o‘zi virus 
RNK sini ozod bo‘lishiga olib keladi. Poliomielit virusida hujayra retseptorlari 
virusni qaytar xolida yopishtiradi. Poliomielit virusida quyidagi tartibda virus 
hujayraga kiradi, ya’ni hujayra retseptorlari virusni avval qaytadigan holatda 
hujayraga bog‘laydi. Bu jarayon virus va hujayra retseptorlaridagi har xil guruh 
qarama-qarshi zaryadli zarralarning elektrostatik munosabatiga bog‘liq bo‘ladi. 
Intakt virus hujayra va virus kompleksidan yuqori ion kuchi yoki past darajadagi 
rN hamda mochevinaning ta’sirida ajratib olinishi mumkin. Qaytalama 
adsorbsiyaning tezligi temperaturaga kam darajada bog‘liq bo‘ladi. Keyinchalik 
adsorbsiya qaytmas holatga o‘tadi, birdaniga sovutish bu jarayonni tezlik bilan 
pasaytiradi. Bu jarayonning qaytmasligida birinchidan virus zarrasi strukturasi 
o‘zgarishga uchraydi, uni yuqumliligini yo‘qolishi, antigen strukturasini 
spetsifikligini proteolitik fermentlarga bo‘lgan sezgirligini o‘zgarishi kuzatiladi. 
Intakt poliomielit virusi proteolitik fermentlarga o‘ta chidamli bo‘ladi. Virus 
xususiyatini o‘zgarishi virus va hujayra retseptorlari munosabatda bo‘lganda 
virus qobig‘ining struktura oqsilida konformatsion o‘zgarishga bog‘liq bo‘lgan 
kapsomerlarni qaytadan qurilishi ro‘y bergan bo‘lishi mumkin. Oxirgi stadiyada 
virus oqsilini proteolizi sodir bo‘ladi va virus nuklein kislotasi ajraladi.