Табиий шифо воситалари 3-китоб тошкент

Биринчи рецепт: 
Тирноқгул (Календула лекарственная, Ноготки) барги 
1 қисм 
Бўймодарон (Тысячелистник обыкновенный) нинг
ер устки қисми
1 қисм 
Бу йиғмадан 2 ош қошиғи сирланган идишга солинади ва устига 2 
стакан (400 мл) қайнаб турган сув қуйилиб, қопқоғи ёпилади ва духовкада 12 
соат давомида дамланади. Дамлама совутилиб, докадан сузилади ва кунига 
ярим стакандан 4 маҳал овқатдан сўнг ичилади. 
Иккинчи рецепт:
Газанда ёки Қичитқи ўт (Крапива) барги
1 қисм 
Зуптурум (Подорожник большой) барги
1 қисм 
Мармарак (Шалфей) барги
1 қисм 
Бу йиғмадан кукун тайёрлаб, ундан кунига 3 маҳал овқатдан олдин 
пичоқ учида олиб, тилга қўйилади ва сув билан ичилади. 
Газанда ёки Қичитқи ўт (Крапива) ўсимлигининг қуритиб, 
майдаланган баргидан қайнатма ва дамлама тайёрланиб, кунига 4 маҳал 
овқатдан олдин 1 ош қошиқдан ичилиши ҳам ўт қопи шамоллаганда ёрдам 
беради. 
Гулҳайри (Алтей) ўсимлигининг илдизидан тайёрланган дамлама 
йўтал, кўкйўтал, нафас қисиши, қон тупуришда фойдаланилади. Ўт пуфаги 
шамоллашини даволаш учун гулхайри илдизи қуритилиб, майдаланади ва 
унинг 4 чой қошиғини оғзи ёпиладиган идишга солиб, устидан 2 стакан 
қайнатиб совутилган сув солинади ва 8 соат давомида ёпиқ холда сақланади. 
Сўнгра уни 2 қаватли докадан сузиб, кунига 3 маҳал овқатдан олдин ярим 
стакандан ичилади.
 
 
 
 
 

---

Аюпов Равшан Хамдамович 
14 
 
Жигар касалликларида ишлатиладиган воситалар 
«(Аллоҳ) Ўзи истаган кишиларга ҳикмат (фойдали билим) беради.
Кимга ҳикмат берилган бўлса, бас, муҳаққақки,
унга кўп яхшилик берилибди. Ваъз эслатмаларини
фақат аҳли донишларгина оладилар» 
«Бақара» сурасидан
 
Жигар касалликларида 500 грамм асал билан 500 грамм смородина 
меваси шарбати билан яхшилаб аралаштирилади ва у кунига 3 маҳал 
овқатланишдан 30 дақиқа олдин 1 чой қошиқдан истеъмол қиланади. Бу 
муолажа жуда таъсирли ва фойдали. Аммо агар смородина бўлмаса, 1 ош 
қошиқ асал 1 стакан олма шарбатига солиниб, яхшилаб аралаштирилади ва у 
эрталаб (наҳорга) ҳамда кечқурунлари ичилади.
Тарвуз шарбати сариқ, ўт пуфаги ва буйрак-тош касалликларида халқ 
табобатида азалдан ишлатилиб келинган. Тарвуз шарбати майда тош ва 
қумларни организмдан чиқариб ташлаш хусусиятига эга. Бу касалликларга 
чалинганда 1-2 стакандан кунига 3 маҳал тарвуз шарбати ичиш тавсия 
этилади.
Ошқовоқнинг қирғичлаб сиқиб олинган мева шарбатининг кунига 3 
маҳалдан овқатдан олдин ярим стакандан ичилиши ҳам жигар, ўт йўли ва ўт 
пуфаги касалликларига шифо ҳисобланади.