Qaraqa-2014-128-bet

§ 45. Diàlog hà’m woni’n’ irkilis belgileri
176-shi’ni’g’i’w
. U’zindini woqi’n’. Bul u’zindinin’ neshe àdàmni’n’
gà’pi yekenligine hà’m woni’n’ qàndày gà’pke uqsàs keletug’i’nli’g’i’nà di’qqàt
yetin’, quri’li’si’ boyi’nshà qàndày gà’p yekenligin àni’qlàn’.
— Hà’ jen’ge, bul men. Qori’qpà! — dedi ishke kirgen àdàm.
Yendi tàni’di’n’i’z bà, menin’ kim yekenligimdi? Woni’n’
soràwi’nà biràzg’à shekem hesh bende juwàp qàytàrmàdi’.
— Tàni’p tursi’z g’oy, menin’ kim yekenligimdi? — dedi wol
tàg’i’.
— Ne qi’làmi’z, tàni’sàq? — dep gu’n’k yetti dàrg’àni’n’
hàyàli’.
— Is qi’stàw!...

---

116
— Jumi’si’n’di’ àyt sondà?
— Usi’ u’ydegi jen’gey kerek yedi.
— Bul u’yde jen’gey yekew.
— Qàysi’si’ soni’n’?
— To’mennen kelgen jen’geydi àytàmàn.
— Awà, àytà ber, — dep shi’rt yete qàldi’ Sàhibjàmàl sol
mà’hà’lde.
— Menin’ nege kelip turg’àni’mdi’ bilersiz deymen.
— Heshqàndày. Biyxàbàrmàn. Ne wo’zi?
— Bir zà’ru’r jumi’si’m bàr deppedim?
— Awà, àwà! ... Ayti’p yedin’iz. Ne islewim kerek? — dep
hàwàlàqlàndi’ Sàhibjàmàl.
— Wol ushi’n tez kiyinip si’rtqà shi’g’i’wi’n’ kerek.
— Sàbi’r qi’li’n’ àzi’ràq, — dedi de Sàhibjàmàl urmàn-purmàn
kiyinip, woni’n’ izine yeriw menen boldi’. 
(W.X.)
Yeki yàmàsà birneshe àdàmni’n’ so’ylesiwine diàlog dep
àtàlàdi’.
Diàloglàr gà’p tu’rinde beriledi. Diàlogtàg’i’ hà’rbir
àdàmni’n’ soràw-juwàp tu’rindegi gà’pi 
replikà
delinedi.
Diàlogtà àyti’lg’àn hà’rbir àdàmni’n’ gà’pi jàn’à joldàn
bàslàni’p jàzi’làdi’ dà, àldi’nàn si’zi’qshà qoyi’làdi’. Soràw-
juwàp tu’rindegi gà’plerden keyin àyti’li’w màqsetine qàrày
noqàt, soràw, u’ndew belgileri qoyi’làdi’. Yeger diàloglàr
tuwrà gà’p boli’p kelse, tuwrà gà’pke qàtnàsli’ irkilis
belgileri qoyi’làdi’. Mi’sàli’:
— Aysholpàn, Joldàsti’ qorqi’ti’p àlàrmi’z, ju’r kettik.
— Yerte yemes pe?
— Aeroportqà jàyàw jetemen degenshe ko’p wàqi’t
wo’tedi.
— Ju’r yendi.
— Jàqsi’ bàràmi’z? — dedi Joldàs.
— Ag’àn’ kiyàti’r.
— Ag’àm?
— Awà, àg’àn’ kiyàti’r.
— Qàydà?
Joldàs bunnàn keyin u’ndemedi. 
(J.A.)

---

117
177-shi’ni’g’i’w
.
Ko’shirip jazi’n’. Dialog tu’rindegi ga’plerge di’qqat
yetip, wolarg’a irkilis belgilerinin’ qoyi’li’w sebebin tu’sindirin’.
Bunnan keyin aqsaqal la’m-mim dep u’ndegen joq. Birazg’a
shekem u’y-ishi ji’m-ji’rt boldi’. Bir waqi’tta qara saqalli’ kisi:
— Bul adam sennen birneshe ko’ylek buri’n tozdi’rg’an
adam. Aqsaqaldi’n’ tilin al, — dedi.
— Biz yele hesh na’rsenin’ basi’na barg’an joqpi’z.
— Jasi’ u’lken adam menen salg’i’laspa dedim g’oy.
— Wol sizlerdin’ paydan’i’z. Xali’qti’n’ talabi’.
Aqsaqal maldas quri’p woti’rdi’ da birden:
— Xali’q degenimiz — sizin’ menen bizler. Mi’na woti’rg’an
qara ko’zler. Gu’lla’n sharwalar. Barli’q adamlar, — dedi.
— Wolay bolsa sol xali’qti’n’ basshi’si’ men.
— Wonda menin’ dawam joq.
— Dawi’n’ bolmasa, xali’qti’n’ qula dalag’a taslaytug’i’n
di’mi’ da joq. Tu’sindin’ be!... Biz bu’gin Da’wqarada bolsaq,
yerten’ ten’iz boyi’ndami’z, arg’i’ ku’ni tag’i’ ko’shemiz. Adi’m
jerde mektep salg’anday hal joq. Mektep ushi’n alti’ qanat u’y
berip qoyi’ppan, yerten’ tiktirip beremen, — dedi ga’pti shorta
kesip. 
(W.X.)
TEKST