Август 2020 10-қисм

Август 2020 10-қисм
Тошкент
BOSHLANG’ICH TA’LIM TIZIMINI RIVOJLANTIRISHDA INNOVATSION 
TEXNOLOGIYALARNING AHAMYATI
Abbasova Anarxon Kurbankulovna
Angren shahar 43-sonli umumiy o’rta ta’lim maktabining 
I – toifali boshlang’ich sinf o’qituvchisi
.
Tel; [phone]
Annotatsiya:

maqolada boshlang’ich ta’lim tizimini rivojlantirish, innovatsion 
texnologiyalardan samarali foydalanish, zamonaviy texnologiya vositalari orqali ta’lim 
oluvchilarga ta’lim berishda qo’llanilayotgan usul va vositalar haqida tavsiyalar berilgan.
Kalit so’zlar:
 
boshlang’ich ta’lim, innovatsion texnologiya, zamonaviy ta’lim, ta’lim oluvchi, 
innovatsion usul, multimedia vositalari, videodars loyihasi.
Ta’lim tizimini takomillashtirish, innovatsion texnologiyalarni qo’llash masalasi davlatimizning 
ta’limda hal qilinishi kerak bo’lgan asosiy vazifalaridan biri bo’lib kelmoqda. Bugungi kunda 
ta’lim tizimidaumumta’lim maktablaridan boshlab ta’lim sohasini rivojlantirishda bir qator ishlar 
amalga oshirilmoqda. Zamonaviy ta’lim tizimining ta’lim oluvchilarga ko’rsatayotgan ta’siri 
nihoyatda muhimligini bildirmoqda. Har bir mamlakat o’zining ijtimoiy-iqtisodiy rivojlani-
hini va kelajagini belgilab borishida intellektual salohiyatga ega bo’lgan kadrlar salmog’i yuqori 
o’rinda turadi.
Davlatimiz rahbari Shavkat Mirziyoyev ta’kidlaganlaridek, “Mustaqil fikr-laydigan, yuksak 
intellektual va ma’naviy salohiyatga ega bo’lib, dunyo miqyosida o’z tengdoshlariga hech qaysi 
sohada bo’sh kelmaydigan insonlar bo’lib kamol topishi, baxtli bo’lishi uchun davlatimiz va 
jamiyatimizning bor kuch va imkoniyatlarini safarbar etamiz”. Boshlang’ich ta’lim tizimini 
rivojlantirishdagi asosiy tamoyillardan biri ta’lim tuzilishini va mazmunini isloh qilishdir. Buning 
uchun yuqori malakali, raqobatbardosh mutaxassislar tayyorlash, ta’lim bo’yicha kadrlarning 
faoliyatini uyg’unlashtirish, ta’lim innovatsiyalari, ilg’or pedagogik texnologiyalarnita’lim 
jarayoniga joriy etish asosiy vazifamizdir. Boshlang’ich ta’limda dastlab o’qituvchi faoliyatini 
o’zgartirmay turib, ta’limda bir qadam ham oldinga siljib bo’lmaydi. Chunki o’quvchiga birinchi 
bo’lib boshlang’ich bilimlar birinchi o’qituvchisi tomonidan beriladi. O’qituvchi qachonki, 
mas’uliyatli, ijodkor va faolligini oshirmas ekan, u ta’lim berayotgan kelajak avlod intellektual 
salohiyatga ega bo’la olmaydi. Shuning uchun boshlang’ich ta’limni rivojlantirishda mutaxassislar 
faoliyati va yangilikka intilish motivatsiyasini, bilim, ko’nikma va malakalarini shakllantirib, 
belgilangan maqsadga yo’naltirishimiz lozim.
Boshlang’ich ta’limda innovatsion jarayonlarni amalga oshirish, bu tizimga yangiliklar kiritish, 
o’quv jarayonlarining tuzilishini yangilash, avvaldan mavjud bo’lgan holatdan o’zgargan, farq 
qiluvchi ta’limni takomillashtirishda innovatsion texnologiyalarni qo’llash, yaxshi natija beradigan 
mexanizmlarni ish lab chiqish va ulardan foydalanish kerak. Tajribadan o’tgan, ketma-ketlikda 
qo’llanadigan inno-vatsion texnologiyalar kafolatlangan natijani beradi. Boshlang’ich ta’limni
rivojlantirish, zaruriy darajada-gi natijani olish uchun ta’lim tizimini takomillashtirish,
bajarayotgan funksiyasini ijobiy tomonga yo’naltirish, zamonaviy innovatsion texnologiyalardan 
foydalanish kerak.
Boshlang’ich ta’limda innovatsion texnologiyalardan foydalanilganda o’qi-tuvchining mahorati 
va ta’lim oluvchining mustaqil ishlash ko’nikmasi shakllanib boradi.Innovatsion texnologiyalardan 
boshl ang’ich ta’limda eng ko’p qo’llanila-yotganlari multimedia va videodarslar hisoblanadi. 
Ta’lim tizimida multimedia texnologiyalaridan foydalanish ta’lim oluvchilarda shaxsiy individual 
xususiyat-lari, o’quv jarayonl arida faolligi, har bir mavzuga ijodiy yondashuvi va axborot bilan 
ishlash kompetensiyalarining rivojlanishiga olib keladi. Ta’lim jarayonida multimedia vositalarini 
ishlatish haqida ma’lumotga ega bo’lmagan o’qituvchi ta’lim sifatining pasayishiga sababchi 
bo’lib qoladi.
Multimedia texnologiyalaridan foydalanishning samaradorligi insonning qabul qilish tizimiga 
bog’liq. Interfaol multimedia tizimlari bir vaqtning o’zida quyidagilarni uzatishi mumkin:
- ovoz;
- video;
- animatsiya;

---

36