Amaliy audit

 

---

391 
 
 
 
 
 
 
 
 
 
 
 
 
 
 
 
 
 
 
 
 
 
 
10-MAVZU. EKSPORT-IMPORT VA VALYUTA MUOMALALARI 
AUDITI 
 
 
 
 
 
 
 

---

392 
REJA: 
10.1. Valyuta muomalalarining auditi 
10.2. Import muomalalari va tovarlar bojxona qiymatini auditi 
10.1. Valyuta muomalalarining auditi 
Tashqi iqtisodiy munosabatlarni samarali amalga oshirish xo’jalik 
tarmoqlarining keng rivojlanishiga, sanoat va qishloq xo’jaligi ishlab chiqarishining 
takomillashishiga, ayrim tarmoqlar va ishlab chiqarishni zamonaviy texnika va 
texnologiya bilan qurollantirishga, tabiiy-jo’g’rofiy sharoitlardan, mineral xom ashyo 
va inson resurslaridan yanada samaraliroq foydalanishga imkon beradi. Samarali 
amalga oshirilayotgan munosabatlar mamlakat oldida turgan ijtimoiy-iqtisodiy 
vazifalarni muvaffaqiyatli hal qilishga yordamlashadi. 
Xalqaro iqtisodiy aloqalarda muvaffaqiyatli ishtirok etish uchun jahonning 
yuksak talablariga javob beradigan hisob va hisobot tizimini shakllantirish zarur, 
chunki har qanday iqtisodiy aloqani samarali amalga oshirish zamirida 
ishtirokchilarning moliyaviy-xo’jalik faoliyati bilan tanishishlari turadi. Albatta, bu 
tanishish korxonalar moliyaviy hisobotlarini o’qish orqali amalga oshib, 
ishtirokchilar bu hisobotlarning haqqoniyligi va to’g’ri tuzilganligiga ishonch hosil 
qilishlari kerak bo’ladi. Bunday ishonch mezoniga hisobotning auditorlik nazoratidan 
o’tganligi va qanday xulosalanganligiga qarab erishiladi. Hozirgi kunda O’zbekiston 
Respublikasiga investitsiyalarni amalga oshirish va qo’shma korxonalar ochish 
uchun, asosan, O’zbekiston Respublikasining firmalari faqat xalqaro auditorlik 
firmalari xizmatidan foydalangandagina taqdim etgan hisobotlari inobatga olinayapti. 
Bu mahalliy auditorlik firmalarining mavqeini oshirishni taqozo etadi.