3-Мавзу. Ялпи талаб-ялпи таклиф модели. Истеъмол, жамғариш ва инвестиция

3.10. Ҳақиқий ва режалаштирилган харажатлар 
 “Ҳақиқий инвестициялар
режалаштирилган ва режалаштирилмаган инвестициялар 
миқдорини ўз ичига олади. Режалаштирилмаган инвестицияларга товар – моддий 
заҳираларига (ТМЗ) инвестициялардаги кутилмаган ўзгаришлар киради. Ушбу
режалаштирилмаган инвестициялар тенглаштирувчи механизм сифатида жамғарма ва 
инвестициялар миқдорининг ўзаро бир-бирига мос келишига олиб келади ва 
макроиқтисодий мувозанатни таъминлайди”
2
.
2
Агапова Т.А., Серегина С.Ф. Макроэкономика:Учебник.-7-е изд.перераб. и доп.- М.:Издательство “Дело 
и сервис”, 2005., 114-с 

---

Фирмалар томонидан ишлаб чиқарилган маҳсулотларни сотишдаги кутилмаган 
ўзгаришлар товар моддий заҳирасига режалаштирилмаган инвестициялар қилишга олиб 
келса, ҳақиқий харажатлар режалаштирилган харажатлардан фарқ қилади.
Режалаштирилган харажатлар функцияси: 
Е=С+ I +G+Xп
кўринишига эга. Демак, 
унинг графиги истеъмол функцияси С = а + в (У-Т) графигига нисбатан I+G+Xп миқдорда 
юқорига сурилган бўлади. Келтирилган Хп – соф экспорт бўлиб, унинг функцияси эса 
қуйидаги кўринишга эга:
Хп = g - m’Y 
Бу ерда: g – автоном соф экспорт; 
m’- импортга чегараланган мойиллик; 
Y – даромад. 
Импортга чегараланган мойиллик импорт харажатларидаги ўзгариш миқдорини бунга 
сабаб бўлганғ даромадлардаги ўзгариш миқдорига бўлиб топилади.
 
m’ = ΔМ / ΔY; 
Бу ерда: ΔМ - импортга харажатларнинг ўзгариши; 
ΔY - даромадларнинг ўзгариши. 
Ялпи даромадларнинг ошиши билан импорт ҳам ошади. Чунки, бунда истеъмолчилар 
ва инвесторлар ҳам миллий ҳам импорт маҳсулотларга бўлган харажатлари миқдорини 
оширадилар.
Кейнснинг макроиқтисодий мувозанат моделини кўриб чиқиш жараёнини 
соддалаштириш учун соф экспорт миқдори ялпи даромадлар (Y) ўзгаришига боғлиқ эмас 
деб олинади. Шунинг учун соф экспорт тўлиғича автоном харажатлар миқдорига 
қўшилади, яъни автоном харажатлар (а + I + G +Xп) йиғиндига тенг деб олинади.