Давлат мактабгача таълим ташкилотлари педагог ходимларининг иш ҳужжатларини юритилиши бўйича

Амалий ва назарий семинарлар

---

Бир йилда икки турдаги назарий ва амалий семинарлар ўтказилади. Назарий семинар
йилнинг биринчи ярим йиллигига, амалий семинар йилнинг иккинчи ярим йиллигида
режалаштирилади. Семинар мавзулари ўқув йилнинг асосий вазифалари ҳамда
ташкилотнинг таълим-тарбия жараёнлари самарадорлигини оширишга қаратилади. Иш
режага назарий ва амалий семинарда бир ёки икки мавзу олинади, ҳар бир мавзулар бир-
бирига мутаносиб бўлади. 
Ўтказилган семинар йиғилишига тегишли ҳужжатлар баённомалари ва иш материаллар
йиғмажилдда жамланади.
Педагоглар учун маслаҳатлар, маҳорат мактаблари
Педагоглар учун маслаҳатлар соати методист томонидан ташкил этилиб, у мудира,
методист, психолог, шифокор, мусиқа раҳбари, дефектолог, илғор педагоглар томонидан
ташкил этилади.
Маслаҳат соатлари ойда икки марта (ўн беш кунда бир марта) ҳар бир йўналиш бўйича
долзарб мавзулар асосида режалаштирилади.
Педагогик жараённи жамоа бўлиб кузатиш
Педагогик жараённи жамоа бўлиб кузатиш ҳар бир гуруҳлар кесимида йилда 2 марта
режалаштирилади. Бунда, марказларда ишлаш, умумий гуруҳ бўлиб ишлаш жараёнларининг
ташкил этилиши кузатилади. Педагогик иш стажи 3 йил бўлмаган ёш мутахассислар учун
педагогик жараённи жамоа бўлиб кузатиш режалаштирилмайди.
Кўрик - танловлар ва тадбирлар
Мазкур бандга кўрик- танловлар ва оммавий тадбирлар, байрам эрталиклари, кўнгил
очиш соатлари, спорт байрамлари ва мусобақалари режалари киритилади
Ёш мутахассислар билан ишлаш
Мактабгача таълим ташкилотида ёш мутахассислар сони 3 нафардан кўп бўлган
тақдирда ёш мутахассислар билан ишлаш режаси тузилади. Ушбу режада ёш мутахассислар
тажрибали педагогларга бириктирилади, маслаҳат соатлари белгиланади. 
Илғор иш тажрибани ўрганиш ва оммалаштириш.
Педагогнинг илғор иш тажрибаси бир йил ўрганилади, бир йил (иккинчи йилда)
оммалаштирилади, учинчи йили ўрганилган ва оммалаштирилган ҳужжатлар
умумлаштирилиб, туман миқёсида оммалаштиришга тавсия қилинади. Илғор иш тажрибани
ўрганиш-семинар ёки ишлаб чиқариш йиғилишларида, оммалаштириш педагогик кенгашда
муҳокама қилинади (Мактабгача таълим ташкилоти, туман, вилоят ва республика миқёсида
шу босқичда амалга оширилади).