Давлат мактабгача таълим ташкилотлари педагог ходимларининг иш ҳужжатларини юритилиши бўйича

ЙИЛЛИК ИШ РЕЖАСИ

---

Мактабгача таълим ташкилоти йиллик иш режаси тузилмаси
Мактабгача таълим ташкилотининг асосий маълумотлари (ташкилот қурилган ва
ташкил топган йил (асос), ер майдони, қуввати, лойиҳа қуввати бўйича
режалаштириилган гуруҳлар ва уларнинг тўлдирилиши, иш тартиби, юридик манзили ва
телефони муассаса ҳақида асосий техник маълумотлар, моддий-техник базаси тавсифи,
умумий ва педагогик ходимлар тўғрисидаги маълумотлар)
I- бўлим. Мактабгача таълим ташкилотида ўқув йил якунлари
Ушбу бўлимда ўтган ўқув йилида белгиланган асосий вазифаларнинг таҳлилий
ижроси, натижа (кўрсаткич)лари матн ёки жадвал шаклида акс эттирилади.
Ташкилотни ривожлантириш, таълим-тарбия фаолияти самарадорлигини ошириш,
методик хизматни ташкил этиш, болаларга ҳар томонлама шароитларни яратиш, педагог
ходимларнинг компетенциясини ошириш, болаларни мактаб таълимига сифатли тайёрлаш,
ресурс базасини мустаҳкамлаш ҳамда Кузатув кенгаши билан мактабгача таълим
ташкилотини ривожлантириш борасида ҳамкорликда амалга оширилган ишлар сарҳисоб
қилинади. 
Белгиланган асосий вазифаларни амалга оширишда, йил давомида йўл қўйилган
муаммолар ва ечимини кутаётган масалалар, тарбияланувчиларга таълим-тарбия беришда,
болаларни ривожланишини кузатиш жараёнидаги бўшлиқлар, аниқланган бўшлиқларни
келгусида ўқув йили давомида бартараф этиш бўйича истиқболдаги режалар белгиланади.
Юқорида қайд этилганларга асосланган ҳолда янги ўқув йили учун асосий вазифалар
белгиланади.
II- бўлим. Ўқув йили давомида амалга оширилиши белгиланган асосий
вазифалар
Ташкилотнинг йиллик иш режасига киритиладиган масалалар Ўзбекистон
Республикаси Мактабгача таълим вазирлиги томонидан тавсия этилган “Мактабгача таълим
ташкилотларининг янги ўқув йилидаги асосий вазифалари”ни амалиётга жорий этишга
йўналтирилган мавзулар, мактабгача таълим ташкилотидаги мавжуд муаммо ва
камчиликларни бартараф этишга қаратилган ҳолда танланади. Белгиланган асосий
вазифалар йиллик иш режа бандларида ўз аксини топган, тўлиқ ижросини таъминлашга
қаратилган бўлиши керак.